Derby van die ewige vyande

in Wikipedia, die vrye ensiklopedie
Spring na: navigasie, soek
Ondersteuners van Olympiakos en Panathinaikos tydens 'n wedstryd.

Die Derby van die ewige vyande (Ντέρμπι των αιωνίων αντιπάλων) is 'n derby tussen die Griekse sportklubs Panathinaikos en Olympiacos. Beide klubs is in Athene geleë. Hoewel beide klubs in verskeie sportsoorte meeding, is die derby in sokker seker die strafste.

Die mededinging[wysig]

Panathinaikos is die span uit die sentrum van Athene en het baie ondersteuners onder die ryker mense. Olympiacos het sy tuisveld in Piraeus, die hawe van Athene, en het baie ondersteuners onder die arbeiders. Tydens baie wedstryde is daar onluste tussen die ondersteuners en meermaals het mense daarby gesterf.

Die wedstryd[wysig]

In sokker oorheers Panathinaikos en Olympiacos die nasionale sokkerliga. Die derbies is dikwels belangriker as welke span die nasionale titel wen. In die Griekse sokkerbeker speel die spanne ook baie teen mekaar. Olympiacos wen die meeste wedstryde en het ook die meeste pryse gewen. Panathinaikos is egter die enigste span wat ooit die eindstryd van die Europese Beker behaal het (in 1971, waar hulle vir Ajax geklop het). Behalwe sokker, vind die derby ook in basketbal, volleybal en waterpolo plaas.