Diana se varkvis
Diana se varkvis | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | Cuvier, 1816
|
Genus: | |
Spesie: | B. diana
|
Binomiale naam | |
Bodianus diana (Lacepède, 1801)
|
Diana se varkvis (Bodianus diana) is 'n vis wat voorkom in die Indiese Oseaan tot by Java, die Rooisee en aan die ooskus van Afrika vanaf Oman tot by die Aliwal-bank. Die onvolwasse vissies is al opgemerk by die Groot-Keirivier. In Engels staan die vis bekend as Diana's hogfish.
Voorkoms[wysig | wysig bron]
Die mannetjie en wyfie lyk dieselfde met die kop en bokant van die lyf wat persrooi tot bruin is terwyl die res van die lyf gelerig is. Die sylyn is aaneenlopend. Die skubbe het 'n bruin rand behalwe dié wat by die sylyn en op die agterkant van die lyf is. Die skubbe aan die agterkant het 'n swart kol op. Daar is 'n paar wit vlekke net onder die dorsale vin en die buikvinne is rooi of rooibruin. Die onvolwasse vissies is rooibruin met rye wit en vlekke en kolletjies op. Die vis word tot 25 cm groot.
Habitat[wysig | wysig bron]
Die vis leef in koraalriwwe in water wat 3 – 40 m diep is. Die onvolwasse vissies en party volwasse visse dien as 'skoonmakers' - hulle eet die parasiete van ander visse af. Die vis kan oorleef in akwariums.
Sien ook[wysig | wysig bron]
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bron[wysig | wysig bron]
- Coastal Fishes of Southern Africa. Phil & Elaine Heemstra. 2004. ISBN 1-920033-01-7