Die Knoop
| Die Knoop | |
|---|---|
| Tipe webblad | Skakels na ander webtuistes |
| Taal(e) | Afrikaans |
| Registrasie | Opsioneel |
| Eienaar | Gerrie de Beer |
| Huidige status | Onaktief (besoek Desember 2018) |
| URL | http://www.dieknoop.co.za/ |
Die Knoop was 'n Afrikaanse skakellys of portaal wat deur die Pretoriaanse ingenieur, Gerrie de Beer, gestig is en onderhou was. Dit was een van die eerste en een van die grootste Afrikaanse skakellyste op die web. Die Knoop het in 2007 'n gemiddeld van 750 besoeke per dag gekry.[1] Die webwerf se gewildheid onder Afrikaners op daardie staduim blyk uit dat ruim driekwart besoekers die URL sélf intik om by die webwerf te kom.
Geskiedenis[wysig | wysig bron]
Die Knoop het begin as 'n skakellys op een van De Beer se persoonlike webwerwe, wat gehuisves is by www.geocities.com/Heartland/9657/dieknoop.htm. In 1998 het De Beer die domeinnaam dieknoop.co.za gekoop[2] en die Geocities-webwerf daarheen laat herverwys.
Die skakellys was aanvanklik 'n enkele bladsy, maar kort nadat die hoeveelheid skakels die duisend-getal oorskry het, is sommige groter afdelings op aparte bladsye geplaas. Die Knoop se slagspreuk was vroeër "honderde Afrikaanse skakels", en het later verander na "duisende Afrikaanse skakels".
Dit is waarskynlik dat Die Knoop sy ontstaan gehad het nadat Gerrie kontak met Afr Oppie Net [3] gehad het.
Mettertyd het De Beer ander domeinname opgekoop om na Die Knoop te herlei. Een hiervan was afrikaans.co.za, want tans nie meer deur De Beer besit word nie.
Die Knoop maak tans ruimskoots van advertensieskakels gebruik, en heelwat van die "nuwe" skakels is niks meer nie as geborgde skakels wat nie as sulks aangedui word nie. Dit maak egter nie Die Knoop minder gewild onder sy gebruikers nie.
Kampvegter vir Afrikaans[wysig | wysig bron]
Die Knoop se gewildheid onder Afrikaanse besoekers het vroeg reeds sekere Suid-Afrikaanse maatskappye genoop om hul webwerwe in Afrikaans beskikbaar te stel. Hier onder tel die bankreus ABSA, wat reeds in 1997 op Die Knoop gekasty is vir sy toentertydse gebrek aan Afrikaans.[4]
Verwysings[wysig | wysig bron]
- ↑ http://extremetracking.com/open;sum?login=dieknoop
- ↑ "argiefkopie". Geargiveer vanaf die oorspronklike op 3 Mei 2020. Besoek op 2 Julie 2007.
- ↑ "argiefkopie". Geargiveer vanaf die oorspronklike op 27 Oktober 2009. Besoek op 18 Desember 2014.
- ↑ http://groups.google.com/group/soc.culture.south-africa.afrikaans/browse_thread/thread/afc1d0bddc54a834/483c6aaf351f69d1?lnk=st&q=gdb%40usa.net&rnum=1&hl=en#483c6aaf351f69d1