Die aartappeleters

in Wikipedia, die vrye ensiklopedie
Die aartappeleters
Vincent van Gogh, April 1885
olie op doek, 82 × 114 cm
Van Gogh-museum

Die aartappeleters (De aardappeleters in Nederlands) is ’n skildery deur die Nederlandse skilder Vincent van Gogh. Hy het dit in April 1885 geskilder tydens sy verblyf in Nuenen, Nederland. Dit is ’n olieverfskildery op doek.

Hy het van Maart tot begin April 1885 bestee aan voorbereiding vir die werk, en dit van 13 April tot begin Mei voltooi.

Van Gogh het oor die werk gesê hy wou die idee oordra dat hierdie mense, wat hul aartappels by lamplig eet, die land bewerk het met dieselfde hande wat hulle nou in die skottel steek, en dit spreek dus van handearbeid en dat hulle hul kos eerlik verdien het. Daarom het hy modelle gekies wat grof en lelik gelyk het, met die gedagte dat hulle natuurlik en onbederf in sy voltooide werk sou lyk.[1]

Die skildery is tans in die Van Gogh-museum in Amsterdam.

Verwysings[wysig | wysig bron]

  1. "Letter 497". Vincent van Gogh. The Letters (in Engels). Amsterdam: Van Gogh-museum. Geargiveer vanaf die oorspronklike op 5 Mei 2020.

Eksterne skakels[wysig | wysig bron]