Dieregeluide

Luister na die getjirp van swaeltjies.

Luister na die gesing van walvisse en dolfyne in Venezuela.

Dieregeluide is werkwoorde wat ingespan word om die geluide wat diere maak te beskryf. Die woorde is dikwels 'n nabootsing van die klank wat die diere uiter. Die interpretasie van hierdie geluide verskil egter van taal tot taal. Enkele voorbeelde ter illustrasie:

• Die voëls kwetter in die bome.
• As die leeu brul, staan die wêreld stil en luister.

Voorbeelde:

Van die verskillende geluide sluit in:

• 'n Akkedis piep.
• 'n Beer brom of grom.
• 'n Bees bulk.
• 'n Bobbejaan blaf of bôgom.
• 'n Bok blêr, bê.
• 'n Bul bulk
• 'n By zoem of gons
• 'n By, brommer, vlieg of insekte - gons.
• 'n Donkie balk.
• 'n Duif koer, kir of roekoek.
• 'n Eend kwaak.
• 'n Esel balk.
• 'n Gans gaggel, snater of blaas.
• 'n Haan kraai.
• 'n Hen kekkel of kloek.
• 'n Hiëna lag.
• 'n Hond blaf, tjank, kef, grom, knor of huil.
• 'n Jakkals tjank of skree.
• 'n Kalkoen koel-koel.
• 'n Kat miaau, spoeg, snor of spin.
• 'n Kiewiet skree.
• 'n Koei loei.
• 'n Kraai of Raaf kras of krys.
• 'n Kriek kriek of tjir.
• 'n Kuiken piep.
• 'n Makou blaas.
• 'n Muis piep.
• 'n Meeu krys of gier.
• 'n Olifant trompetter of ronk.
• 'n Os bulk.
• 'n Padda kwaak.
• 'n Perd runnik.
• 'n Ratel snuif.
• 'n Renoster snork.
• 'n Slang sis.
• 'n Skaap blêr, bê.
• Sonbesies sing of skree.
• 'n Tier grom of brul.
• 'n Uil roep, hoe-hoe of steun.
• 'n Vark snork of knor.
• 'n Vink kwetter.
• 'n Volstruis brom.
• 'n Wildegans gier.
• 'n Wildbok proes.
• 'n Wolf huil.

Sien ook

• Werkwoord, woorde wat die handeling (aksie) van 'n sin beskryf.