Diomedes-eilande

in Wikipedia, die vrye ensiklopedie
(Aangestuur vanaf Diomede-eilande)
Diomedes-eilande
Inheemse naam: острова Диомида / Diomede Islands
Diomedes-eilande: Klein-Diomedes (links) en Groot-Diomedes (regs). Die foto is in 'n suidwaartse rigting geneem
Diomedes-eilande: Klein-Diomedes (links) en Groot-Diomedes (regs). Die foto is in 'n suidwaartse rigting geneem
Geografie

Ligging Stille Oseaan, Beringstraat
Koördinate 65°47′N 169°01′W / 65.783°N 169.017°W / 65.783; -169.017Koördinate: 65°47′N 169°01′W / 65.783°N 169.017°W / 65.783; -169.017
Argipel Diomedes-eilande
Totale eilande 2
Hoofeilande Ratmanof (Groot Diomedes-eiland), Klein Diomedes-eiland
Oppervlakte 36 vk km

Administrasie
Vlag van Rusland Rusland
Outonome okroeg Tsjoekotka

Vlag van Verenigde State van Amerika Verenigde State
Deelstaat Alaska

Demografie
Bevolking 0 (Groot Diomedes-eiland)
135 (Klein Diomedes-eiland)

Die Diomedes-eilande (Engels: Diomede Islands; Russies: острова́ Диоми́да, ostrová Diomída) is twee eilande wat in die middel van die Beringstraat geleë is. Die twee eilande is 3,8 km vanaf mekaar.

Die grenslyn tussen die Russiese Federasie in die ooste en die Verenigde State in die weste, soos amptelik getrek met die verdrag oor die verkoop van Russies-Amerika of Alaska aan die VSA in 1867, loop tussen die twee eilande. Die een eiland, Groot Diomedes (ook bekend as Ratmanof-eiland[1]), behoort aan Rusland en die tweede eiland, Klein Diomedes (vroeër bekend as Krusenstern-eiland), behoort aan die Verenigde State.

Die Internasionale tydlyn gaan eweneens tussen die twee eilande deur; die amptelike tydsverskil is 21-uur.[2] As gevolg van die tydverskil word soms na die eilande as "Môre-eiland" (Groot Diomedes) en "Gister-eiland" (Klein Diomedes) verwys.

Klein Diomedes val onder die beheer van die deelstaat Alaska. Groot Diomedes is die oostelikste punt van Rusland en behoort tot die outonome okroeg Tsjoekotka.

Nasa-Satellietbeeld van die Diomedes-eilande

Die Deen Vitus Bering het die eilande op 16 Augustus 1728 ontdek terwyl hy 'n Russiese ekspedisie gelei het. Hy het die die naam Diomedes-eilande aan die eilande gegee omrede 16 Augustus deur die Russies-Ortodokse Kerk gevier word as St. Diomedes-dag na aanleiding van die martelaar St. Diomedes. Die Russiese ontdekkingsreisiger Semjon Dezhnef het reeds in 1648, nadat hy die Beringstraat bereik het, verslag gelewer oor twee eilande. Dit is egter onseker of dit die Diomedes-eilande was.

In die winter vorm pakys tussen die twee eilande sodat daar geloop kan word van die een na die ander. Dit word egter verbied.

Verwysings[wysig | wysig bron]

  1. Russia Beyond, 8 November 2017: ‘It’s just like Groundhog Day, or a time machine’: Life on Big Diomede Island. Besoek op 28 Maart 2020
  2. (en) "Two of the world`s largest countries, Russia and the United States, at their closest points are separated by 2.4 miles, but are 21 hours apart! Find out how … | ePaper | DAWN.COM". epaper.dawn.com. Besoek op 21 Junie 2018.

Eksterne skakels[wysig | wysig bron]