Dmitri I van Pereslawl

in Wikipedia, die vrye ensiklopedie
Spring na: navigasie, soek
Dmitri
Grootprins van Wladimir
Dmitry of Pereslavl (Vereshchagin).jpg
Periode 1276-1281; 1283-1293
Voorganger Wasili
Opvolger Andrei III
Huis Rjoerik
Ander titels Prins van Pereslawl
Vader Aleksander Nefski
Gebore c. 1250
Oorlede 1294

Dmitri I (circa 1250 - 1294) was van 1276 tot 1281 en weer van 1283 tot 1293 die grootprins van Wladimir.

Dmitri was die tweede oudste seun van Aleksander Nefski. Toe sy ouer broer, Wasili, jonk dood is, was Dmitri die hooferfgenaam van sy beroemde pa. In 1259 reeds het Aleksander hom in beheer van Nowgorod gelaat. Ná Aleksander se dood in 1264 het Nowgorod Dmitri egter na sy geboortestad, Pereslawl-Zalesski, verban omdat hy glo te jonk was.

Vier jaar later, nadat Dmitri 18 jaar oud geword het, is hy in Nowgorod terugverwelkom. Vir die volgende dekade moes hy met sy ooms Jaroslaf III van Twer en Wasili van Kostroma veg om beheer oor Nowgorod. In 1276, toe sy ooms sterf, het hy eindelik die trone van Wladimir en Nowgorod bestyg. Twee jaar later het hy ’n fort by Koporje gestig wat hy self wou regeer. Nowgorod het egter gerebelleer en Dmitri moes Koporje en Nowgorod noodgedwonge verlaat.

Intussen het Dmitri se jonger broer Andrei III van Gorodets na die Goue Horde gegaan en die khan se toestemming gekry om Dmitri as grootprins te vervang. In 1281 het Andrei saamgespan met die prinse van Rostof en Jaroslawl en het hy Dmitri se land verwoes en sy hoofstad, Pereslawl, ingeneem. Dmitri het na Koporje gevlug, maar kon nie Nowgorod se steun kry nie en het verder noord gevlug, moontlik na Skandinawië.

Twee jaar later het Dmitri na Rusland teruggekeer en gevind dat sy grondgebied deur die Mongole en Andrei geplunder is. Hy is daarna na die Swartsee, waar hy Nogai Khan, die grootste vyand van die wettige Goue Horde-khan, Teleboega, ontmoet het. Omdat hy sy mag in Rusland wou vergroot, het Nogai belowe om Dmitri te steun in sy stryd om weer die grootprins te word. Toe Andrei dit hoor, het hy afstand gedoen van Wladimir en Nowgorod en na Gorodets teruggekeer.

In 1285 het Andrei weer Mongoolse magte na Rusland gebring, maar hulle is deur Dmitri en sy bondgenote verslaan. In 1293 het Andrei eindelik daarin geslaag om die Mongole en die Russiese prinse te laat saamspan teen Dmitri. Dmitri wou nie meer die stryd teen sy broer voortsit nie en het in 1293 ’n kloostergelofte afgelê. Hy is die volgende jaar dood.


Crystal txt.png

Hierdie artikel is vertaal vanuit die Engelse Wikipedia

Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I