Domein (biologie)

Wetenskaplike klassifikasie:

Domein

Koninkryk

Phylum of Divisie

Klas

Orde

Familie

Genus

Spesie

'n Domein, in die betekenis daarvan soos dit in biologie gebruik word, (soms ook genoem 'n superryk, 'n superkoninkryk, of 'n ryk) is die heel hoogste vlak van die groepering van organismes in die wetenskaplike klassifikasiesisteem, hoër nog as 'n koninkryk.

Hedendaags is daar veral drie kompeterende domeinklassifikasies van alle lewende organismes:

Die drie-domeinsisteem van Carl Woese, wat die konsep in 1990 gevorm het, met die groepering van die drie hoofdomeine van die Archaea, Eubacteria, en die Eukaryota.
Die tweeryksisteem, met die hoofvlakgroeperings van die twee ryke, die Prokaryota (of die Monera) en die Eukaryota.
Die vyf-koninkryksisteem, met die hoofvlakgroeperings as die Protista, die Monera, die Fungi, die Plantae, en die Animalia.