Dominansie (genetika)

in Wikipedia, die vrye ensiklopedie
Spring na: navigasie, soek

'n Genetiese eienskap word dominant genoem as slegs één van die twee gene (òf dié van die moeder afkomstige chromosoom, òf dié van die vader afkomstige chromosoom) die eienskap hoef te hê voordat die individu die eienskap in die fenotipe vertoon. As byvoorbeeld deur 'n afwyking in een geen 'n eiwit gemaak word met 'n ongewenste en skadelike eienskap, dan sal so 'n afwyking baie keer dominant wees. 'n Eienskap wat alleenlik voorkom as beide ekwivalente gene betrokke is, word resessief genoem. Die mate van dominansie of resessiewiteit kan weergegee word as die penetransie van die geen.