Donkerkamer

in Wikipedia, die vrye ensiklopedie
’n Donkerkamer by ’n hoërskool.
Die fotograaf kan in die donkerkamer werk onder ’n kleurlig waarvoor die papier nie sensitief is nie, soos ’n rooi lig.

’n Donkerkamer is ’n kamer wat pikdonker gemaak kan word vir die ontwikkeling van ligsensitiewe fotografiese materiale, soos fotografiese film en papier. Donkerkamers bestaan al sedert die begindae van fotografie in die vroeë 19de eeu.

Weens die ingewikkelde ontwikkelings- en afdrukprosesse wat by kleurfotografie betrokke is, asook die ontwikkeling van eers Polaroid-tegnologie en later digitale kameras, neem donkerkamers se gewildheid af, hoewel hulle nog algemeen aangetref word by skole, kolleges en in die ateljees van professionele fotograwe.

Werking[wysig | wysig bron]

Die middelpunt van ’n donkerkamer is die vergroter, ’n optiese apparaat soortgelyk aan ’n skyfieprojektor. Lig van ’n afgeskermde ligbron skyn vir ’n paar sekondes deur die negatief en ’n vergrote beeld val op ’n vel liggevoelige papier. In dié tyd kan spesiale effekte aangebring word deur dele byvoorbeeld te onder- of oorbelig. Die papier gaan dan deur ’n reeks baddens om dit te ontwikkel en fikseer. Die foto word hierna afgespoel en droog gemaak.

Film kan ook in ’n donkerkamer uit die kamera of kasset gehaal word, want algehele donkerte is daarvoor nodig.


Fotografie

BeeldsensorBeligtingDaguerreotipeDigitale kameraDonkerkamerEF-lenspassingEnkellensreflekskameraF-nommerFilmFilmspoedFokusFokusafstandIntreepupilKameraLensopeningLensopeningprioriteitPentaprismaProfessionele videokameraReël van derdesRGB-kleurmodelSluiterprioriteitSluiterspoedTelefotolensVeelvoudige beligtingVelddiepteWyehoeklens

GeomerkingGroeperingHolografieNatuurfotografieSelfieSnelreeksfotografieWildfotografie

35 mm ekwivalente fokuslengteCMYK-kleurmodelKleurtemperatuurRooi-oogeffekSwart-en-witZoemlens

Wysig hierdie sjabloon