Modjadjiskloof

Modjadjiskloof Duiwelskloof
Modjadjiskloof
Koördinate: 23°42′S 30°8′O
Land	Suid-Afrika
Provinsie	Limpopo
Distriksmunisipaliteit	Mopani
Tydsone	SAST (UTC+2)

Duiwelskloof (sedert 2004 amptelik Modjadjiskloof) is 'n dorp in die ooste van die Limpopo-provinsie, Suid-Afrika, noord van die dorp van Tzaneen.

Geskiedenis

Die dorp het ontwikkel rondom die spoorweghalte nadat die spoorlyn tussen Tzaneen en Soekmekaar die dorp in 1914 bereik het. Die dorp is in 1919 opgemeet en in 1920 geproklameer. Die naam is waarskynlik afkomstig van die togryers wat deur die reënseisoen hier moes deur sukkel wanneer die grond soos 'n moeras geword het.

Omgewing

Die landgoed van dr. Hans Merensky, Westfalia, is sowat 5 km suid van die dorp.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4