Duncanstraat, Pretoria
Duncanstraat is 'n straat in die ooste van Pretoria, Suid-Afrika wat in 'n belangrike noord- suid-skakel deur die middestad vorm.[1] Van noord na suid loop die straat deur die Brooklynsirkel, deur die voorstede Brooklyn, Hillcrest, Hatfield en Colbyn waar dit by die kruising met Glynstaart in Burnsstraat in loop.
Inhoud |
[wysig] Geskiedenis
Die straat is vernoem na Sir Patrick Duncan, die Koloniale Sekretaris van die Transvaal in 1905 toe Hatfield gestig is. Aanvanklik is slegs die gedeelte tussen Kerkstraat en Suidstraat Duncanweg genoem. Die deel tussen Suidstraat en Duxburyweg het as Nixonstraat bekend gestaan en van Duxbury- tot by Lynwoodweg af is dit Lunnonweg genoem. Suid van Lynwoodweg is dit Jamesstraat genoem.[2]
In 1930 het die stadsraad van Pretoria besluit om die hele straat Duncanweg te noem. [2]
[wysig] Omstredenheid
In September 2008 is voorgestel dat die straat se naam, saam met 26 ander in Pretoria wat na bewering "aanstoot gee", se name verander word.[3] Dit is egter tot op hede nie deurgevoer nie.
[wysig] Verwysings
- ^ Bouwerk aan N4, koeksisterkruising aan ooste van Pta vanjaar nog klaar, Beeld, 10 Augustus 1998.
- ^ 2,0 2,1 Du Plessis, Andre C, Gautrain Station, Hatfield, Chapter 3 [1], Masters Thesis, University of Pretoria, 2003, Afgelaai op 29 Desember 2006
- ^ ‘Apartheidsname’ van 27 Pta-strate verander, Beeld, 12 September 2008.
[wysig] Verdere leesstof
- Duncanstraat: Brooklyn-groep, sakeman haaks, Beeld, 29 Maart 1995.
