Euro
Die Euro (simbool: €, ISO-geldeenheidkode: EUR) is die geldeenheid van die Europese Ekonomiese en Monetêre Unie (EMU) - die sogenaamde Eurosone - en ná die Amerikaanse dollar die belangrikste geldeenheid wêreldwyd.[1]
Die Euro word deur die Europese Sentrale Bank in Frankfurt am Main beheer en is die wettige betaalmiddel in 17 van die 27 lande van die Europese Unie (EU). Die Euro is bowendien die wettige geldeenheid van ses lande wat nie tot die EU behoort nie. 'n Verdere vyf lande en twee monetêre gebiede het hulle munteenheid met 'n vaste wisselkoers aan die Euro gekoppel. Andere lande met die Euro as geldeenheid is Andorra, Kosowo, Monaco, Montenegro, San Marino en die Vatikaanstad, wat nie lidlande van die Europese Unie is nie.[2]
Alle bestaande lidstate van die Europese Unie (EU), wat aan sekere monetêre voorwaardes voldoen, mag by die Eurostelsel aansluit. Nuwe lidstate van die EU is verplig om die Euro in te voer, sodra hulle aan die voorwaardes voldoen. In Slowenië het die Euro op 1 Januarie 2007 die Sloweense Tolar vervang[3], op 1 Januarie 2008 is die Euro ingevoer in Malta[4] en Siprus[5], op 1 Januarie 2009 in Slowakye[6] en op 1 Januarie 2011 in Estland[7]. Kandidatlande is Letland en Litaue.
Die Euro is in die jaar 1999 as bankgeld en op 1 Januarie 2002 as "stoflike" betaalmiddel ingevoer. 'n Euro word verdeel in 100 sente (voorgestel deur die letter c). Daar is net een stel banknote ter waarde van 5, 10, 20, 50, 100, 200 en 500 Euro beskikbaar, terwyl die muntstukke (1c, 2c, 5c, 10c, 20c, 50c, 1€ en 2€) naas 'n identiese voorkant 'n nasionale agterkant het.[8]
Inhoud |
Wisselkoerse [wysig]
Die amptelike wisselkoers van die Euro ten opsigte van die ou nasionale munteenhede is soos volg vasgestel:
| ¤/EUR | EUR/¤ | ISO | Voorloper |
|---|---|---|---|
| 40,3399 | 0,024789 | BEF | Belgiese Frank |
| 1,95583 | 0,511292 | DEM | Duitse Mark |
| 15,6466 | 0,063912 | EEK | Estniese Kroon |
| 5,94573 | 0,168187 | FIM | Finse Markka |
| 6,55957 | 0,152449 | FRF | Franse Frank |
| 340,750 | 0,002935 | GRD | Griekse Dragma |
| 0,787564 | 1,26974 | IEP | Ierse Pond |
| 1936,27 | 0,000516 | ITL | Italiaanse Lire |
| 40,3399 | 0,024789 | LUF | Luxemburgse Frank |
| 0,429300 | 2,32937 | MTL | Maltesiese Lira |
| 2,20371 | 0,453780 | NLG | Nederlandse Gulde |
| 13,7603 | 0,072673 | ATS | Oostenrykse Schilling |
| 200,482 | 0,004988 | PTE | Portugese Escudo |
| 0,585274 | 1,70860 | CYP | Siprus-pond |
| 30,1260 | 0,033194 | SKK | Slowaakse Kroon |
| 239,640 | 0,004173 | SIT | Sloweense Tolar |
| 166,386 | 0,006010 | ESP | Spaanse Peseta |
Spesiale muntstukke [wysig]
Enige land van die Eurosone mag spesiale muntstukke vrystel, wat in alle lande van die Eurosone geldig is.
Verwysings [wysig]
- ↑ (en) mpra.ub.uni-muenchen.de: Compositional Analysis Of Foreign Currency Reserves In The 1999-2007 Period. The Euro vs. The Dollar As Leading Reserve Currency
- ↑ (en) ecb.int: Official Dollarisation/ Euroisation: Motives, Features and Policy Implications of current cases
- ↑ (de) ecb.int: Slowenien (seit 1. Januar 2007)
- ↑ (de) ecb.int: Malta (seit 1. Januar 2008)
- ↑ (de) ecb.int: Zypern (seit 1. Januar 2008)
- ↑ (de) ecb.int: Slowakei (seit 1. Januar 2009)
- ↑ (de) ecb.int: Estland (seit 1. Januar 2011)
- ↑ (de) ecb.int: Erste Bargeldumstellung (2002)
Eksterne skakels [wysig]
- (en) Europese Sentrale Bank
- (en) Webwerf oor die spesiale 5 Euro-munt
- (nl) Aanlyn rekenaar vir EURO Omskakelings
- (en) Beelde van die Euro-banknote
