Elisabeth Eybers

in Wikipedia, die vrye ensiklopedie
Spring na: navigasie, soek
Elisabeth Eybers
Geboortenaam Elisabeth Françoise Eybers
Gebore 1 Desember 2007
Klerksdorp
Oorlede 16 Februarie 1915
Amsterdam
Nasionaliteit Suid-Afrika
Beroep Digter
Eerbewyse Hertzogprys, P.C. Hooft-prys
Huweliksmaat Albert Wessels

Elisabeth Françoise Eybers ( 16 Februarie 19151 Desember 2007) was 'n Afrikaanse digteres, en die eerste vrou om 'n Hertzogprys vir poësie te verower.

Biografie[wysig]

Taalles van Elisabeth Eybers as muurgedig in Leiden

Sy is gebore in Klerksdorp, in die Wes-Transvaal in Suid-Afrika. Haar pa was 'n NGK-predikant en haar ma was die prinsipaal van 'n meisieskool. Sy word groot in Schweizer-Reneke, en voltooi haar hoërskoolloopbaan daar. Sy studeer aan die Universiteit van die Witwatersrand, en verkry ’n B.A.-graad (in die studie van moderne tale), wat sy met lof slaag. Daarna werk sy as joernalis. Sy dig aanvanklik in Engels (haar ma was Engelssprekend), maar debuteer op 21-jarige ouderdom met haar eerste bundel. Sy word geassosieer met die beweging bekend as die Dertigers.

Sy trou in 1937 met die nyweraar Albert Wessels. Hulle het vier kinders. Die Wesselse skei in 1961, en sy trek na Amsterdam, waar sy tot met haar dood bly. Alhoewel sy Nederlandse burgerskap aanvaar, bly sy steeds in Afrikaans dig. Nietemin word sy ook as een van die belangrikste digters in Nederland beskou. Sy is tot dusver (2008) die enigste skrywer wat vir haar werk in 'n ander taal die gesogte Nederlandse P.C. Hooft-prys verwerf het. Haar werk word deur humor, ironie en selfspoterry gekenmerk. Die onderstaande gedig uit 2006 is aangehaal in haar doodsberig:

Godsdienstigheid beweer
Die siel bly voortbestaan
Terwyl ek self begeer
Om grondig te vergaan

Haar belangrikheid in die Afrikaanse poësie is geleë daarin dat sy begin het om die vrou se ervaringswêreld -- die kennismaking met die liefde, swangerskap en geboorte, maar later ook besinnings oor die middeljare -- te beskryf. Verstegnies is Eybers lief vir metrum en rym, en gebruik die sonnetvorm dikwels.

Sy sterf in Amsterdam aan hoë ouderdom.

Toekennings[wysig]

Bibliografie[wysig]

  • 1936 - Belydenis in die skemering
  • 1945 - Die vrou en ander verse
  • 1946 - Die ander dors
  • 1949 - Die stil avontuur
  • 1950 - Tussensang
  • 1956 - Die helder halfjaar
  • 1957 - Versamelde gedigte
  • 1958 - Neerslag
  • 1962 - Balans
  • 1969 - Onderdak
  • 1973 - Kruis of munt
  • 1977 - Einder
  • 1978 - Gedigte 1958-1973
  • 1978 - Voetpad van verkenning
  • 1982 - Bestand
  • 1985 - Dryfsand
  • 1985 - Gedichten
  • 1985 - Gedigte, 1962-1982
  • 1987 - Rymdwang
  • 1989 - Noodluik
  • 1990 - Versamelde gedigte
  • 1991 - Teëspraak
  • 1993 - Respyt
  • 1995 - Nuweling
  • 1995 - Uit en tuis
  • 1996 - Tydverdryf
  • 1997 - Tweegelui
  • 1997 - Verbruikersverse
  • 1999 - Winter-surplus
  • 2005 - Valreep

Bronne[wysig]

Verwerk vanaf Elisabeth Eybers op die Nederlandse wikipedia en NEDWEB Literatuur in Context.

Eksterne skakels[wysig]