Elsa Joubert

in Wikipedia, die vrye ensiklopedie
Spring na: navigasie, soek

Elsa Joubert, gebore as Elsabé Antoinette Murray op 19 Oktober 1922 in die Paarl, is 'n Afrikaanssprekende Suid-Afrikaanse skrywer. Elsa Joubert verwerf beroemdheid met haar novelle Die swerfjare van Poppie Nongena, wat na 13 tale vertaal is, en wat ook as 'n drama op die planke gebring is.

Biografie[wysig]

Elsa Joubert het in die Paarl grootgeword en matrikuleer by die meisiesskool La Rochelle in die Paarl in 1939. Sy studeer dan by die Universiteit van Stellenbosch waar sy in 1942 'n Baccalaureus-graad in die Kunste verwerf en 'n SOD (Sekondêre Onderwysdiploma) in 1943. Sy sit haar studies voort aan die Universiteit van Kaapstad en verwerf haar Meestersgraad in 1945 in die Nederlands-Afrikaanse literatuur.

Na graduering gee Elsa Joubert klas by Cradock se Hoër Meisieskool, en werk dan as die redakteur van die vroue-rubrieke vir Huisgenoot, 'n welbekende Afrikaanse gesinstydskrif, vanaf 1946 tot 1948. Sy begin dan voltyds te skryf en toer deur Afrika, vanaf die oorsprong van die Nyl in Uganda, deur die Soedan, na Kaïro, asook na Mosambiek, Mauritius, Réunion, Madagaskar, en Angola. Sy het ook Indonesië besoek.

In 1950 trou Elsa Joubert met Klaas Steytler, 'n joernalis en later publiseerder en outeur, wat in 1998 oorlede is. Sy het drie kinders, twee dogters en een seun, en leef in Oranjezicht, Kaapstad.

Toekennings[wysig]

Lys van werke[wysig]

Reisjoernale[wysig]

  • Water en woestyn (Uganda en Kaïro), Dagbreek Boekhandel, 1957
  • Die verste reis (Wes-Europa), 1959
  • Suid van die wind (Madagaskar), 1962
  • Ons wag op die kaptein - To die at sunset, Tafelberg, 1963
  • Die staf van Monomotapa (Mosambiek), 1964
  • Swerwer in die Herfsland (Oos-Europa), 1968
  • Die nuwe Afrikaan (Angola), Tafelberg, 1974
  • Gordel van Smarag (Indonesië), Tafelberg, 1997

Novelle en kortverhale[wysig]

  • Die Wahlerbrug, Tafelberg, 1969
  • Bonga, Tafelberg, 1971
  • Die swerfjare van Poppie Nongena, Tafelberg, 1978 - The long journey of Poppie Nongena (1980), vertaal in 13 tale en ook op die verhoog gesit met 'n drama.
  • Melk (kortverhale), Tafelberg, 1980
  • Die laaste Sondag - The last Sunday, Tafelberg, 1983
  • Poppie — die drama, (mede outeur Sandra Kotzé), 1984
  • Die vier vriende, 1985 - The four friends (1987) (kinderboek)
  • Missionaris, 1988
  • Dansmaat (kortverhale), Tafelberg, 1993
  • Die reise van Isobelle, Tafelberg, 1995
  • Twee Vroue, Tafelberg, 2002