Emfiseem

in Wikipedia, die vrye ensiklopedie
Spring na: navigasie, soek
'n Stukkie longweefsel van 'n emfiseemlyer.

Emfiseem is 'n longsiekte wat voorkom as die lugsakkies in die longe hulle elastisiteit verloor. Alveoli in die longe blaas op wat gaswisseling in die longe bemoeilik. Mense wat aan emfiseem ly vind dit moeilik om asem te haal.

Oorsake[wysig]

Emfiseem word veral aangetref in gevalle van asma en chroniese brongitis waar die elastisiteit van die longe aangetas word. Rook is ook 'n groot oorsaak.

Simptome[wysig]

Emfiseem gaan gepaard met kortasemheid. Later verkleur die lippe, tong en naels blou. Asemhalingbewegings van die ribbes word ook beperk en die volume lug wat in- en uitgeasem word, word ingekort. Emfiseem sal heel moontlik lei tot 'n vergrote hart en hartversaking.