Eminönü

in Wikipedia, die vrye ensiklopedie
Spring na: navigasie, soek
Die Nuwe Moskee gesien vanaf Galata-brug.

Eminönü is ’n voormalige distrik van Istanboel in Turkye en is nou ’n buurt van die Fatih-distrik. Dit is die hart van die ommuurde stad van Konstantyn, die fokus van ’n geskiedenis van buitengewone rykdom.

Eminönü beslaan die punt waarop die Bisantynse hoofstad gebou is. Die Galata-brug loop oor die Goue Horing in Eminönü in en die mond van die Bosporus lê hier aan die See van Marmara. Op die heuwel staan die Topkapı-paleis, die Blou Moskee, die Aya Sophia en die Nuwe Moskee. Eminönü is dus die hoof-toeristegebied van Istanboel.

Dit was tot in 1928 deel van die Fatih-distrik, wat die hele skiereiland van ou Istanboel binne die Middeleeuse stadsmure beslaan het – die deel wat bekend was as Konstantinopel. Omdat dit vandag min inwoners het, het dit in 2009 weer deel van Fatih geword.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]

Eksterne skakels[wysig]