Emtrisitabien
|
|
Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie. Enige vrae of klagtes oor u persoonlike gesondheid behoort na 'n dokter verwys te word. |
Emtrisitabien ("FTC", handelsnaam Emtriva), behoort aan die klas teenretrovirale middels bekend as nukleosied analoog trutranskriptase remmers (NRTIs), wat die ensiem trutranskriptase blokkeer, 'n ensiem wat onmisbaar is vir virusvoortplanting.
Geneesmiddelvorms[wysig | wysig bron]
Dit word in kombinasie gebruik vir die behandeling van MIV-infeksie in volwassenes en kinders. Emtrisitabien is beskikbaar as 'n vasgestelde 200 mg dosis in kombinasie met 300 mg tenofovir in 'n produk genaamd Truvada asook die nuutste formulering genaamd Atripla, 'n drie-in-een efavirens/emtrisitabien/tenofovirtablet (sterkte 600/200/300mg), vir 'n eenmaal-per-dag dosering teen MIV.
Geskiedenis[wysig | wysig bron]
Emtrisitabien is ontdek deur dokters Dennis Liotta, Raymond Schinazi en Woo-Baeg Choi van Emory Universiteit, wat dit gelisensieer het aan Triangle Pharmaceuticals in 1996.[1] Triangle Pharmaceuticals is in 2003 deur Gilead Sciences oorgeneem, wat die ontwikkeling voltooi het en die produk as Emtriva bemark.
Sien ook[wysig | wysig bron]
- Efavirens/emtrisitabien/tenofovir (handelsnaam Atripla)
Verwysings[wysig | wysig bron]
- ↑ Leaf, Clifton (19 September 2005). "The Law of Unintended Consequences". CNN (in Engels). Geargiveer vanaf die oorspronklike op 9 Oktober 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
