Emtrisitabien/tenofovir/efavirens

in Wikipedia, die vrye ensiklopedie
Spring na: navigasie, soek

Emtrisitabien/tenofovir/efavirens (generiese naam) (handelsnaam Atripla ®) is 'n vaste-dosis kombinasie antiretrovirale geneesmiddel vir die behandeling van MIV infeksie. Dit kombineer Gilead Sciences se tenofovir en emtrisitabien (reeds beskikbaar as Truvada ®) met Bristol-Myers Squibb se efavirens in 'n een-per-dag tablet. Die kombinasie verlig die las op pasiënte om meer as een preparaat te neem en verbeter dus die pasiënt-samewerking. Op die lang duur verhoog dit die vereiste nakoming van die voorgeskrewe teenretrovirale behandeling.

In die VSA word dit bemark deur Gilead Sciences onder die Atripla ®-handelsnaam, teen 'n pasiëntkoste van VS$1 850 vir 'n maand. Sedert 2007 kos dit ongeveer VS$1 344 in Indië en VS$528 in Afrika.BNF Atripla”.

Atripla ® het 'n vaste kombinasie van 600 mg efavirens, 245 mg tenofovir, en 200 mg emtrisitabien per tablet. Volwassenes neem een tablet daagliks, verkieslik met slaaptyd, om sodoende die newe-effekte op die senuweestelsel te omseil. Atripla ® word nie aanbeveel vir pasiënte jonger as 18 jaar nie.

In Indië het die maatskappy Cipla sy eie weergawe van Atripla ®, genaamd Viraday ®, vrygestel.

In Suid-Afrika het die Minister van Gesondheid, Dokter Aaron Motsoaledi die eerste tablet op staatstender op 9 April 2013 toegedien aan 'n pasiënt in GaRankuwa. Finale implementering in alle klinieke en hospitale van Suid-Afrika word op 3 Oktober 2013 van stapel gestuur.

Lys van handelsname beskikbaar in Suid-Afrika[wysig]

  • Atripla ® tablette
  • Odimune ® tablette
  • Tribuss ® tablette

Voetnota: ® is 'n geregistreerde handelsmerk

Hierdie artikel is in sy geheel of gedeeltelik vanuit die Engelse Wikipedia vertaal.