Emu Downs windplaas

in Wikipedia, die vrye ensiklopedie

Die 79,2 MW Emu Downs Windplaas (30°30′S 115°20′E / 30.500°S 115.333°O / -30.500; 115.333) is 'n gesamentlike ontwikkeling van die Stanwell Corporation en Griffin Energy. Bouwerk aan dié $180 miljoen projek is in November 2005 begin. Die windplaas is ongeveer 200 kilometer noord van Perth, naby Cervantes. Die projek is in bedryf gestel in Oktober 2006.[1]

Emu Downs Windplaas bestaan uit 48 windturbines (elkeen met 1,65 MW opwekkingsvermoë), 'n substasie, interverbinding met die hoof 132 kV elektrisiteitsnetwerk, administrasie en store asook 'n netwerk van toegangspaaie. Die windplaas is naby aan die kus geleë met 'n hoë kwaliteit windhulpbron met verhoogde windsnelhede wat saamval met hoë kragverbruik.[1]

Die windplaas verskaf elektrisiteit vir 'n ontsoutingsaanleg, 260 km ter suide van die windplaas. Die Kwinana ontsoutingsaanleg, wat net suid van Perth geleë is, vervaardig ongeveer 152 miljoen liter se vars drinkwater uit seewater vanuit die Indiese Oseaan.[2]

Die Emu Downs Windplaas is geakkrediteer onder die bepalings van die Australiese regering se Wet op Hernubare Energie van 2000 en ook as 'n Groen Kragopwekker deur die Sustainable Energy Development Authority (Owerheid vir Volhoubare Energie-ontwikkeling).[1]

Verwysings[wysig | wysig bron]

  1. 1,0 1,1 1,2 http://www.stanwell.com/PDF/Emu%20Downs%20Fact%20Sheet.pdf Geargiveer 26 September 2007 op Wayback Machine - Emu Downs Windplaas
  2. http://www.npr.org/templates/story/story.php?storyId=11134967 - Australia Turns to Desalination Amid Water Shortage