Engelsman se graf (Clanwilliam)
Die Engelsman se graf in die Cederberge noordwes van Clanwilliam getuig van 'n skermutseling tydens die Tweede Vryheidsoorlog.
Luitenant Graham Vinicombe Winchester Clowes van die Gordon Highlanders het op 30 Januarie 1901 hier gesneuwel toe die Britse troepe onsuksesvol probeer het om te verhoed dat Boere-magte onder genl. Jan Smuts verder suidwaarts die Kaapkolonie binnetrek.
Clowes se familie het met groot moeite en onkoste 'n grafmonument daar laat oprig met die opskrif Brave and True. Dit lê hoog in die Pakhuispas naby die afdraaipad na Wupperthal.
Bibliografie[wysig | wysig bron]
- Slingsby, Peter en E.D. Coombe: Beyond the Cederberg. Agter-Pakhuis, Biedouw, Wupperthal. Muizenberg: Baardskeerder, 2001. ISBN 0-620-27310-0
Koördinate: 32°3′59.57″S 19°7′38.26″O / 32.0665472°S 19.1272944°O