English Heritage

in Wikipedia, die vrye ensiklopedie
Spring na: navigasie, soek

English Heritage (amptelik The Historic Buildings and Monuments Commission for England) is 'n uitvoerende nie-departementele openbare liggaam van die Britse regering wat deur die Departement van kultuur, media en sport (DMCS) befonds word. Dit vervul 'n raadgewende rol ten opsigte van die bewaring van Engeland se historiese erfenis, terwyl sy susterliggaam, Natural England, na die bewaring van die land se natuurlike omgewing omsien.

Talle historiese geboue word deur English Heritage bestuur, terwyl die liggaam ook as algemene raadgewer vir die betrokke staatssekretaris optree. HIerdie raadgewende rol sluit die lysting van historiese geboue en antieke monumente in. Simon Thurley fungeer sedert 2002 as die liggaam se hoof uitvoerende beampte.