Erasmus Smit

in Wikipedia, die vrye ensiklopedie
Spring na: navigasie, soek
Erasmus Smit
Gebore 2 Augustus 1778
Amsterdam, Nederland
Oorlede 1863
Pietermaritzburg, Suid-Afrika
Beroep Predikant
Bekend vir Eerste predikant van die Voortrekkers
Godsdienstige oortuiging Christelik

Erasmus Smit (1778, Amsterdam, - 1863, Pietermaritzburg) was die eerste predikant van die Voortrekkers.

Hy is op 2 Augustus 1778 in Amsterdam gebore. Hy was die seun van 'n stuurman op 'n skip wat met Wes-Indië handel gedryf het. Hy bring van sy jeugjare in 'n weeshuis deur. Hy word 'n sendeling in Amerika in 1801 en kom in 1804 aan die Kaap aan. Hy werk saam met dr. J. Vanderkemp op Bethelsdorp. Nadat die NG Kerk geweier het om hom te orden, word hy 'n onderwyser. Hy trou met die suster van die Voortrekkerleier Gerrit Maritz en sluit hom in 1836 by die Voortrekkers aan. Hy word hulle nie-amptelike predikant, hou gereeld dienste, voltrek huwelike en vergesel die Trek na KwaZulu-Natal. Hy vestig hom op Pietermaritzburg waar hy in 1863 oorlede is.

Bron[wysig]