Erebos

in Wikipedia, die vrye ensiklopedie
Spring na: navigasie, soek

Erebos (Grieks: Ἔρεβος; "diep skadu of donkerte") was in die Griekse mitologie die seun van die heel eerste god, Chaos, die leegte waaruit die heelal ontstaan het.

Hy was die verpersoonliking van die duisternis en skaduwee. Hy word dikwels beskou as deel van die onderwêreld en daarom word sy naam ook genoem saam met dié van Tartaros en Hades. Erebos het met sy suster Nyx (godin van die Nag) getrou en hul kinders sluit in: Aether (god van die lug), Hemera (godin van die dag), Nemesis (godin van Weerwraak), Charon (die bootsman), Momus (god van satire), Geras (god van ouderdom), Oneiroi (god van drome), sowel as Hypnos (god van slaap) en sy tweelingbroer Thanatos (die dood).

Mite[wysig]

Volgens Hesiodus se Theogonie is Erebos sonder seksuele gemeenskap uit Chaos gebore,[1] nes Nyx, Eros, Tartaros en Gaia.

Hy en sy suster Nyx het saam die volgende kinders gehad: Hemera (Dag), Aither (Lug), Cer (die Dood), Oneiroi (Drome), Hypnos (Slaap), sy tweelingbroer Thanatos (die Dood), Momus (Satire), Geras (god van ouderdom), Nemesis (Wraak), en die bootsman Charon.[2] Volgens sommiges mites is hy en Nyx ook die ouers van die skikgodinne.[3]

As ’n mitologiese plek[wysig]

Erebos is later uitgebeeld as ’n streek van Hades, die onderwêreld.[2] Mense moes ná hul dood eers hierdeur reis en Charon het hulle dan oor die rivier Styx geneem, waarna hulle die land van die afgestorwenes betree het.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. Hansen, p. 164.
  2. 2,0 2,1 Turner and Coulter, p. 170.
  3. Randall, p. 55.

Bronne[wysig]

  • William F. Hansen (2004). Handbook of Classical Mythology. ABC-CLIO. 
  • Geoffrey H. Hartman (1987). The Unremarkable Wordsworth. University of Minnesota Press. 
  • Mark P. O. Morford; Robert J. Lenardon (1999). Classical Mythology. Oxford University Press. 
  • Alice Elizabeth Sawtelle Randall (1896 (digitized 2006)). The Sources of Spenser's Classical Mythology. Harvard University. 
  • Patricia Turner; Charles Russell Coulter (2001). Dictionary of Ancient Deities. Oxford University Press. 
Gode, helde en ander wesens in die Griekse mitologie
Oergode  AitherChaosChronosErebosGaiaHemeraNyxPontosTartarosUranos
Titane  Eerste geslag:  HyperionIapetosKoiosKriosKronosMnemosyneOkeanosPhoibeRheaTethysTheiaThemis Tweede geslag:  AsteriaAtlasEosEpimetheusHeliosLetoMenoitiosPrometheusSelene
Olimpiese gode  AfroditeApolloAtenaAresArtemisDemeterDionysosHephaistosHeraHermesPoseidonZeus • (Hestia)
Ander gode  AdonisAlpheiosAsklepiosErosHadesHebeHeraklesPanPersephone
Halfgode & helde  AchillesAntiopeDaidalosGanymedesIkarosJasonOedipusPeleusPenelopePerseusSisyphosTantalosTheseus
Ander wesens  AmasonesChtoniese godeEriniërsGiganteGorgoneGrasieëHonderdhandigesMinotourusMusesNimfeSatersSentoureSiklopeSkikgodinne