Ernst August, Prins van Hannover

in Wikipedia, die vrye ensiklopedie
Spring na: navigasie, soek
Ernst August
Prins van Hannover, Hertog van Brunswyk en Lüneburg
Aanspraakmaker Troon van die voormalige Koninkryk van Hannover
Tydperk Vanaf 9 Desember 1987
Volle naam Ernst August Albert Paul Otto Rupprecht Oskar Berthold Friedrich-Ferdinand Christian-Ludwig
Huis Hannover
Eggenote Chantal Hochuli
Caroline, Erfprinses van Monaco
Kinders Prins Ernst August
Prins Christian
Prinses Alexandra
Vader Ernst August IV
Moeder Prinses Ortrud van Sleeswyk-Holstein-Sonderburg-Glücksburg
Gebore 26 Februarie 1954, Hannover

Ernst August V, Prins van Hannover, Hertog van Brunswyk (gebore 26 Februarie 1954) is die hoof van die onttroonde Huis van Hannover (en die Huis van Welfen) en die aanspraakmaker op die troon van die voormalige Koninkryk van Hannover en Hertogdom van Brunswyk.

Sy volle naam in Duits is Ernst August Albert Paul Otto Rupprecht Oskar Berthold Friedrich-Ferdinand Christian-Ludwig Prinz von Hannover. Hy is die oudste seun van Ernst August IV, Prins van Hannover en sy eerste vrou, Prinses Ortrud van Sleeswyk-Holstein-Sonderburg-Glücksburg.

Ernst August is die derde en huidige man van prinses Caroline, die vermoedelike troonopvolger van Monaco.

Afstamming[wysig]

As die oudste afstammeling deur die manlike lyn van George V van Hannover (en dus ook van koning George III van die Verenigde Koninkryk) is Ernst August die hoof van die Huis van Hannover en die aanspraakmaker op die troon van die voormalige Koninkryk van Hannover en Hertogdom van Brunswyk.

Hy noem homself Sy Koninklike Hoogheid die Prins van Hannover, die Hertog van Brunswyk en Lüneburg, die Prins van Groot-Brittanje en Ierland. Nie een van dié titels word deur Duitsland, Brittanje of Ierland erken nie, maar die titels word hoflikheidshalwe in Europa gebruik en amptelik deur Monaco erken. Adellike titels in Duitsland is in 1918 afgeskaf en word sedertdien net as vanne erken. Sy amptelike naam is dus Ernst August Prinz von Hannover.

Sy vader het in 1917 al sy Britse titels verloor. In 1931 het die Huis van Hannover egter die titels weer amptelik (maar nie wettiglik) begin gebruik.

Ernst August is ook die agterkleinseun van die laaste Duitse keiser, Wilhelm II. Tot met sy huwelik met prinses Caroline was hy die 385ste aanspraakmaker op die Britse troon. Omdat sy Rooms-Katoliek is, word hy (maar nie sy nageslag nie) sedertdien uitgesluit van die troonopvolging.

Familie[wysig]

Sy eerste vrou was Chantal Hochuli, erfgenaam van ’n Switserse sjokolade-ryk. Hy is op 28 Augustus 1981 op ’n burgerlike seremonie met haar getroud en op 30 Augustus 1981 op ’n kerklike seremonie. Hulle is op 23 Oktober 1997 geskei en het twee seuns:

Hy is op 23 Januarie 1999 op ’n burgerlike seremonie getroud met prinses Caroline, wat toe hul dogter verwag het:

Omstredenheid[wysig]

Ernst August was al verskeie kere weens omstrede redes in die nuus. Hy het onder meer ’n fotograaf geslaan, en is twee keer gefotografeer terwyl hy in die openbaar urineer. Op 3 April 2005 is hy in die hospitaal opgeneem met akute pankreatitis. Die volgende dag, net twee dae voor die dood van sy skoonpa, prins Rainier III van Monaco, het hy vir ’n paar dae in ’n koma verval.

Sedert September 2009 word in die Engelse en Franse pers berig dat hy en prinses Caroline nie meer saambly nie.[1]

Verwysings[wysig]

Eksterne skakels[wysig]


Crystal txt.png

Hierdie artikel is vertaal vanuit die Engelse Wikipedia