Eshowe
| Eshowe | |
  Eshowe
|
|
| Koördinate: | |
| Land |  Suid-Afrika |
|---|---|
| Provinsie | KwaZulu-Natal |
| Distriksmunisipaliteit | uThungulu |
| Plaaslike Munisipaliteit | uMlalazi |
| Stigting | 1860 |
| Bevolking (2010) | |
| - Stad | 15 040 |
| Tydsone | SAST (UTC+2) |
Eshowe is die oudste Europese nedersetting in Zululand. Dit lê in die KwaZulu-Natal-provinsie, Suid-Afrika, 26 km noordwes van Gingindlovu. Die dorp lê op 'n plato wat 500m hoër is as die vogtige kusvlakte; dit is die rede waarom die Zoeloes sê dat dit altyd koel is in Eshowe. Die dorp het 'n bevolking van 15 040 in 2010 gehad[1].
Inhoud |
Geskiedenis [wysig]
Die dorp het in 1887 begin as die standplaas van die landdros toe Brittanje vir Zoeloeland geannekseer en Eshowe die hoofstad gemaak het. Eshowe is in 1915 tot 'n dorp en in 1954 tot 'n munisipaliteit verklaar. Eshowe se geskiedenis is egter ouer as 1887. Reeds in 1860 het Zoeloekoning Cetshwayo 'n kraal in die gebied gebou wat hy Eziqwaqweni ('die plek van die rowers') genoem het. Hy het ook vir eerwaarde Ommund Oftebro 'n sendeling van Noorweë, toestemming verleen om 'n sendingstasie te stig. Die stasie was KwaMondi genoem ('die plek van Mondi'). Mondi is 'n Zoeloevervoming van Oftebro se voornaam.
In 1879, tydens die Anglo-Zoeloe-oorlog het die Britse magte die sendingstasie beset. Hulle het beplan om die Zoeloemagte by Ulundi hiervandaan aan te val. Ulundi was sowat 100 km verder. Die Zoeloes het egter die Britse magte in Eshowe vir 10 weke beleër. Die beleg is op 3 April 1879 deur lord Chelmsford en sy magte opgehef. Die Zoeloes kon tog daarin slaag om die sendingstasie af te brand.
Distrik [wysig]
Die distrik is 1 770 km2 groot en suikerriet is die belangrikste ekonomiese aktiwiteit.
