Euramerika

in Wikipedia, die vrye ensiklopedie
Spring na: navigasie, soek
Euramerika tydens die Devoon.

Euramerika (ook bekend as Laurussia) was ’n klein superkontinent wat in die Devoon-periode ontstaan het ná ’n botsing tussen die kratons Laurentia, Baltica en Avalonia.

In die Laat Karboon, sowat 300 miljoen jaar gelede, het tropiese reënwoude oor die ewenaar van Euramerika gestrek. ’n Groot, skielike verandering in die plantegroei het plaasgevind toe die klimaat droër word. Die woud het verdeel en die plantfilum Lycopodiophyta, wat die gebied oorheers het, het verminder en is deur varings vervang. Daar was ook ’n groot verlies aan amfibiese verskeidenheid en terselfdertyd ’n toename in reptielvorme.[1]

Euramerika het in die Perm deel van die groot superkontinent Pangea geword. In die Jura, toe Pangea verdeel het in twee kontinente, Gondwana en Laurasië, was Euramerika deel van Laurasië.

Verwysings[wysig]

  1. Sahney, S., Benton, M.J. & Falcon-Lang, H.J. (2010). “Rainforest collapse triggered Pennsylvanian tetrapod diversification in Euramerica” (PDF). Geology 38 (12): 1079–1082. DOI:10.1130/G31182.1.