Faroëreilande

Faroëreilande
Føroyar (Faroëes)
Færøerne (Deens)

Vlag wapen
Volkslied: Tú alfagra land mítt (Jy, my mees skone land)
Hoofstad	Tórshavn 62°00′N 6°47′W
Grootste stad	Tórshavn
Amptelike tale	Faroëes, Deens
Regering Monarg Eerste Minister	Selfregerende oorsese administratiewe afdeling van Denemarke Margrethe II Kaj Leo Johannesen
Onafhanklikheid Nie onafhanklik nie - Selfbestuur	Deel van Koninkryk van Denemarke 1948
Oppervlakte  - Totaal    - Water (%)	1 399 km2  (180ste) 540 myl2 0,5%
Bevolking  - 2006 skatting  - Digtheid	48 317 (214de) 34 / km2 (169) 88 / myl2
BBP (KKP)  - Totaal  - Per capita	2005 skatting VSA $1 miljard (-) $22 000 (-)
Geldeenheid	Faroese króna ¹ (DKK)
Tydsone  - Somertyd	MGT (UTC) EST (UTC+1)
Internet-TLD	.fo
Skakelkode	+298
1 Die banknote is Deense krone gedruk met Faroëse beelde. Die eilande gebruik standaard Deense muntstukke. Faroese krónur gebruik die Deense ISO 4217 kode DKK.

Die onbewoonde eiland Lítla Dímun

Die Faroëreilande (Faroëes: Føroyar; Deens: Færøerne) is 'n Wes-Europese eilandgroep, geleë in die middel van die driehoek wat deur Skotland, Noorweë en Ysland gevorm word en behoort aan die koninkryk van Denemarke. Die naam Faroër beteken 'skape-eilande' en is afkomstig van die Ou Yslandse Fǽreyjar (øer is Deens vir 'eilande', dus is die naam Faroëreiland eintlik 'n pleonasme). Daar woon ongeveer 48 300 mense, van wie 'n groot deel in die hoofstad Tórshavn bly. Sowat 90 persent van die bevolking is lede van die Evangelies-Lutherse kerk. Die plaaslike Noord-Germaanse dialekte, verwant aan Yslands, vorm saam 'n aparte taal, gestandaardiseer as Faroëes.

Die Faroëreilande is veral vanaf die 9e eeu n.C., vanuit Noorweë bevolk. In die 11de eeu kom die eilande onder die gesag van die Noorse koning. Toe Noorweë self 'n deel van Denemarke word, land die Faroër ook onder die Deense kroon. Ook toe Noorweë Sweeds en later selfstandig word, bly die Faroëreilande Deens. In 1948 word selfbestuur verkry, alhoewel die eilandgroep as 'n outonome gewes nog steeds deel uitmaak van Denemarke. Die Faroëreilande behoort nie tot die Europese Unie nie. Die amptelike geldeenheid is die Faroëse kroon (króna), tog word ook die Deense kroon as wettige betaalmiddel aanvaar. Die twee geldeenhede verhandel teen pariteit.

Die Faroëreilande se Nasionale Dag is Ólavsøka (29 Julie).

Geografie

Die Faroëreilandgroep is in die noordelike Atlantiese Oseaan geleë, rofweg halfpad tussen Noorweë, Ysland en Skotland, en bestaan uit 18 eilande wat deur nou see-engtes en fjorde van mekaar geskei word. Die landskap van die eilande is tussen 50 en 60 miljoen jaar gelede deur vulkaniese aktiwiteit gevorm en bestaan uit wisselende lae van harde lawa (basaltsteen) en dunner, sagte lae van vulkaanas (tufsteen).

Die kenmerkende platorande en terrasse het as gevolg van erosie ontstaan. Maar ook die yslaag van die laaste kouetydperk het spore in die Faroëse landskap gelaat, veral in die sagte valleie aan die oostelike kante waar die fjorde deur groen weivelde met 'n ryk flora omring word.

Kerngegewens

• Kuslyn: 1 117 km
• Hoogste punt: Slaettaratindur op Eysturoy, 882 m.

Die eilande

Kaart van die Faroëreilande

Die sewentien bewoonde eilande van die Faroëreilande is:

Streymoy -- Eysturoy -- Vágar -- Mykines -- Suðuroy -- Stóra Dímun -- Skúvoy -- Sandoy -- Hestur -- Koltur -- Nólsoy -- Borðoy -- Kalsoy -- Kunoy -- Viðoy -- Svínoy -- Fugloy.

Die agtiende, onbewoonde eiland is Lítla Dímun. Daar is ook 'n groot aantal kleiner onbewoonde eilandjies en skere. Sommige van die groter eilande word deur dyke met mekaar verbind, terwyl ander oor veerbootlyne beskik.

Die hoofstad van die eilande, Tórshavn, is geleё op die grootste eiland, Streymoy. Die eiland is met 'n damwal verbind met die op een na grootste eiland, Eysturoy. Vanaf Borðoy loop 'n damwal na sowel Viðoy as Kunoy. Hierdie drie eilande vorm saam met Kalsoy, Svínoy en Fugloy die Noordeilande. Die nasionale lughawe van die Faeroër is op Vágar geleё, sodat lugpassasiers wat na Tórshavn wil gaan ook 'n veerbootrit moet onderneem.

Die mees westelike eiland Mykines is beroemd vir sy papegaaiduikerbevolking. Die hele archipel het origens 'n ryk voëllewe: die styl, rotsagtige kus maak die neste onbereikbaar vir vyande.

Dorpe

• 

  Satellietfoto van die Faroëreilande

• 

  Stóra Dímun

• 

  Porkeri op Suðuroy

• 

  Die hoofstad Tórshavn

• 

  Klaksvík

• 

  Sørvágur op Vágar

• 

  Vágur op Suðuroy

• 

  Volksdansgroep op Vágur

Sien ook

• Faroërs
• Kultuur van die Faroëreilande

Eksterne skakels

• Official site
• Official tourist site
• Flick photo set

Lande in Europa

Albanië | Andorra | Armenië² | Azerbeidjan¹ | België | Bosnië-Herzegowina | Bulgarye | Denemarke | Duitsland | Estland | Finland | Frankryk | Georgië¹ | Griekeland | Hongarye | Ierland | Italië | Kasakstan¹ | Kroasië | Letland | Liechtenstein | Litaue | Luxemburg | Malta | Masedonië | Moldowa | Monaco | Montenegro | Nederland | Noorweë | Oostenryk | Oekraïne | Pole | Portugal | Roemenië | Rusland¹ | San Marino | Serwië | Siprus² | Slowakye | Slowenië | Spanje | Swede | Switserland | Tsjeggië | Turkye¹ | Vatikaanstad | Verenigde Koninkryk | Wit-Rusland | Ysland

Omstrede gebiede: Kosowo | Transnistrië | Turkse Republiek van Noord-Siprus²

Afhanklike gebiede: Akrotiri en Dhekelië² | Åland | Faroëreilande | Gibraltar | Guernsey | Jan Mayen | Jersey | Eiland Man | Svalbard

1. Land deels in Asië. 2. Geografies in Asië, maar gereeld beskou as deel van Europa a.g.v. kulturele en historiese oorwegings.
Lande van: Afrika Asië Noord-Amerika Oseanië Suid-Amerika