Fama Fraternitatis

Die eerste bladsy van die Fama Fraternitatis, 1614

Die Fama Fraternitatis word beskou as een van die brondokumente van die oorspronklike Orde van die Rosekruis. Die notaris Haselmeer het die bestaan van die manuskrip (moontlik) reeds in 1610 genotuleer, asook in 'n paragraaf in die Cassel uitgawe van 1614. Die dokument is in 1615 gepubliseer saam met twee ander brondokumente van die Orde van die Rosekruis. Die dokument nooi mense uit om hulle by die broederskap te skaar. Baie mense het gereageer op die uitnodiging maar geen rekord is beskikbaar van enige mense wat wel deel geword het van so 'n broederskap nie.

Beskrywing

Alhoewel die Fama Fraternatis geskryf is asof dit histories gefundeer is, is die algemene beskouing dat die dokument eerder allegories is. Die dokument beskryf die lewe van die 'n mitiese persoon Christian Rosencreutz. Die dokument wei verder uit hoe die graf van Christian Rosencreutz herontdek is deur die stigters van die Orde van die Rosekruis.

Daar word algemeen aanvaar dat Christian Rosencreutz nie 'n werklike persoon was nie maar eerder 'n simboliese persoon was wat die ideale van die Orde van die Rosekruisers verteenwoordig het.

'n Interessante voorbeeld van die allergoriese aard van die dokument is die geboorte datum wat gegee word vir Christian Rosencreutz as 1378. Moderne Rosekruis organisasies trek hul mistisisme terug tot by die Egiptiese Farao Akhnathon wat volgens die orde in 1378 v.C. gebore is.

Ander persone waarna verwys word in die dokument kan nie histories bevestig word nie aangesien net voorletters gebruik is om na die eerste lede van die orde te verwys.

Die bronne van die Orde van die Rosekruis

Die dokument gee heelwat inligting weer in terme van die oorsprong en filosofiese gedagtes van die Orde van die RoseKruisers. Die afleiding kan gemaak word uit al die dokumente en filosofiee waarna verwys word in die Fama Fraternitatis.

1. Christendom as die basiese vertrekpunt (moontlik 'n protestante weergawe)
2. Alchemie veral in terme van die verskeie verwysings wat gemaak is in die tweede dokument van die Rosekruisers nl. Confessio Fraternitatis
3. Arabiese denke wat gelei het tot die skryf van die boek N nadat die Broeder R.C. se kennismaking met Arabiere by Damcar. (Volgens bronne was die heelwaarskynlik die mistiese denkrigting van Soefisme)
4. Kabbala waarvan een van die oorspronklike broeders veral 'n kenner was.
5. Denke van antieke Egipte aangesien Broeder R.C. ook deur Egipte gereis het.
6. Die Tarot met verwysing na hul eie ROTA

Doelstellings van die Orde van die Rosekruis

Volgens die Fama Fraternitatis het die Orde van die Rosekruis die volgende doelstellings:

1. Die gratis genesing van die siekes
2. Om verteenwoordig te wees in alle lande sonder om hulself te laat uitstaan in die gemeenskap
3. Om elke jaar binne 'n geestelike konteks saam te trek om hul broederskap te herbeklemtoon
4. Om voortdurend mekaar ingelig te hou van nuwe denkrigtings en wetenskaplike ontdekkings
5. Om te verseker dat die Orde bly voortbestaan deur seker te maak daar is bekwame volgelinge wat die geheime kan voortdra
6. Om die leringe van die orde in geheimenis te bewaar ten einde die voortbestaan daarvan te verseker.

Outeurskap

Alhoewel die Fama Fraternitatis anoniem gepubliseer is word die outeurskap toegedig aan Francis Bacon. Johann Valentin Andrea het later in sy lewe beweer dat hy die Rosekruis dokumente as 'n grap geskryf het.

Eksterne skakels

• Die ware geskiedenis van die Orde van die Rosekruis