Fesenjan

in Wikipedia, die vrye ensiklopedie



Fesenjan

'n Bredie in die Persiese en Mesopotamiese kookkuns


Vlag van Iran Iran


Vlag van Irak Irak


Vlag van Azerbeidjan Azerbeidjan


Vlag van Afghanistan Afghanistan


Vlag van Turkye Turkye

Khoresht-e fesenjān (Farsi: خورشت فسنجان), of kort fesenjān (فسنجان), is 'n gereg in die Persiese en Mesopotamiese kookkuns. Dit is 'n dik bredie met 'n soet-pikante smaak en Persiese granaatappelstroop, gemaalde okkerneute, advieh ('n Persiese speserymengsel wat soms deur kurkuma vervang word) en uie as sy basis.

Tradisioneel word die bredie van hoender- of eendevleis berei, maar daar is ook variante van fesenjan waarvoor maalvleisbolletjies, lamvleis, beesvleis, vis of uitsluitlik vegetariese bestanddele gebruik word. Die smaak hang van die kookmetode af en kan soet of suur wees. Fesenjan word gewoonlik met Persiese wit of geel saffraanrys (polo of chelo) bedien.