Filmjölk

in Wikipedia, die vrye ensiklopedie
Spring na: navigasie, soek
Filmjölk met aarbei-smaak in 'n glas

Filmjölk (soms afgekort tot fil) is tans 'n sambreelterm wat veral in Swede en Finland na 'n verskeidenheid soorte kultuur- of dikmelk verwys. Soortgelyke suiwelprodukte word egter ook in ander Noord-Europese lande en selfs in verafgeleë wêrelddele gemaak.

Etimologie[wysig]

Die term fil was oorspronklik die afkorting van filbunke - 'n woord wat in Norrland (Noord-Swede) na 'n melkgereg verwys het soos dit ook in baie ander landsdele van Swede genuttig word, maar nie presies dieselfde is nie - alhoewel die meeste Norrlanders tans ook na industrieel vervaardigde filmjölk as fil verwys.

In Sentraal-Swede is na filmjölk vroeër ook as surmjölk verwys. 'n Nou verwante term word daarnaas ook in die omgangstaal van Noorweë gebruik waar dié suiwelproduk amptelik as kulturmelk (Nynorsk kulturmjølk) bekend staan.