Finale Oplossing

in Wikipedia, die vrye ensiklopedie
Spring na: navigasie, soek
In 'n brief gedateer 26 Februarie, 1942, aan die Duitse diplomaat Martin Luther, volg Reinhard Heydrich hul besprekings by die Wannsee Konferensie op deur Luther te vra vir administratiewe hulp by die uitvoering van die "Endlösung der Judenfrage".[1]

Die Finale Oplossing tot die Joodse Vraag (Duits: Die Endlösung der Judenfrage) verwys na die Nasionaal-Sosialiste se plan vir die stelselmatige volksmoord van die Europese Joodse bevolking tydens die Tweede Wêreldoorlog. Die term is die eerste keer deur Adolf Eichmann gebruik. Hy was 'n hoë Nazi-amptenaar wat toesig gehou het oor die volksmoordveldtog en gevang, vervolg en ter dood veroordeel is deur die Israelse regering in 1961-62. Die uitvoering van die Finale Oplossing het die dodelikste fase van die Sjoa tot gevolg gehad. Die uitdrukking weerspieël die Nazi-geloof dat die Joodse Europese bevolking hulself 'n "vraag" gestel het en 'n probleem was.

Massamoorde van oor die 1 miljoen Jode het reeds plaasgevind voor die planne van die Finale Oplossing ter uitvoering gebring is in 1942, maar dit was slegs met dié besluit om die hele Joodse bevolking uit te wis dat verdelgingskampe gebou is en die industriële massamoord van die Jode in alle werklikheid begin het. Die besluit om die Jode van Europa stelselmatig uit te wis, is gemaak tydens die Wannsee-konferensie, wat in Berlyn by die Wannsee Villa op 20 Januarie, 1942 plaasgevind het. Tydens die konferensie het daar 'n bespreking plaasgevind tussen 'n groep Nazi-amptenare om te besluit oor die "Finale Oplossing tot die Joodse Vraag.". Die rekords en notule van die vergadering is deur die Geallieerdes aan die einde van die oorlog ontdek en het as kosbare bewyse gedien tydens die Nuremberg Verhore. Teen die lente van 1942 het Operasie Reinhard met die stelselmatige uitmoring van die Jode begin, alhoewel honderdeduisende reeds vermoor was in ander gevalle van Jodevervolging. In Heinrich Himmler se toespraak by die Posen Konferensie op 6 Oktober, 1943 het Himmler vir die eerste keer eksplisiet vir die versamelde leiers van die Reich, in onomwonde en brutale terms, verduidelik wat die "Finale Oplossing" eintlik na verwys.

Notas[wysig]

  1. Sien die vertaling van die brief by die Memorial House of the Wannsee Conference se webwerf.

Verwysings[wysig]

  • Browning, Christopher R. The Origins of the Final Solution, William Heinemann, London, 2004.
  • Christian Gerlach. The Wannsee Conference, the Fate of German Jews, and Hitler's decision in principle to exterminate all European Jews, The Journal of Modern History. Chicago: Dec 1998.Vol.70, Iss. 4; pg. 759, 54 pgs
  • Baumslag, Naomi. Murderous Medicine – Nazi Doctors, Human Experimentation, and Typhus, Praeger Publishers, (an imprint of Greenwood Publishing Group, Inc.), 2005. ISBN 0-275-98312-9