Fjodor II van Rusland

in Wikipedia, die vrye ensiklopedie
Spring na: navigasie, soek
Fjodor II
Tsaar van die hele Rusland
Die moord van tsaar Fjodor II, Makofski (1862)
Die moord op tsaar Fjodor II (Makofski, 1862).
Bewind 1605
Volle naam Fjodor Borisowitsj Godoenof
Gebore 1589
Gesterf 20 Julie 1605
Voorganger Boris Godoenof
Opvolger Vals Dmitri I
Vader Boris Godoenof
Moeder Maria Grigorijewna Skoeratowa-Belskaja

Fjodor II Borisowitsj Godoenof (Russies: Фёдор Борисович Годунов) (1589 - 20 Julie 1605) was ’n tsaar van Rusland in 1605 tydens die Tyd van Beroeringe. Hy is in Moskou gebore as die seun en opvolger van Boris Godoenof. Sy ma was ’n dogter van Maljoeta Skoeratof, die berugte gunsteling van Iwan die Verskriklike.

Hy is fors gebou en sy pa dra hom op die hande. Hy kry die bes moontlike onderrig van sy tyd en word van kleins af blootgestel aan al die besonderhede van die regering. Hy sit dikwels in die Doema en ontvang buitelandse gesante. Hy is blykbaar baie intelligent en is verantwoordelik vir die eerste kaart van Rusland wat deur ’n Rus opgetrek word. [1].

Met Boris se skielike dood word die 16-jarige op 13 April 1605) tot tsaar verklaar. Hoewel sy pa gesorg het dat hy deur magtige vriende omring word, lewe hy van die eerste oomblik van sy bewind in ’n atmosfeer van verraad. Op 1 Julie 1605 arriveer die gesante van Vals Dmitri I in Moskou om te eis dat hy van die troon gesit word. ’n Groep bojare wat nie trou aan die nuwe tsaar wil sweer nie, neem beheer van die Kremlin oor en arresteer hom.

Op 20 Julie word Fjodor en sy ma verwurg. Amptelik word aangekondig dat hy vergiftig is, maar volgens die Sweedse historikus Peter Petreius het die liggame, wat in die openbaar vertoon is, tekens van ’n gewelddadige worsteling getoon[1]. Fjodor was net 16, maar so sterk dat vier mans blykbaar nodig was om hom te oorrompel.[2]

Verwysings[wysig]

  1. Peter Petreius de Erlesund: Historien und Bericht von dem Groszfürstentumb Muschkow, Leipzig, 1630
  2. R. G. Skrynnikov: Boris Godunov, Moscow: Nauka, 1978/1983 and Gulf Breeze, Fla: Academic International Press, 1978/1982, ISBN 0-875-69046-7
Tsare en keisers van Rusland
Tsare Iwan IV (Iwan die Verskriklike)Fjodor IBoris GodoenofFjodor IIVals Dmitri IVals Dmitri IIWasili IVMichailAlekseiFjodor IIISofia Aleksejewna (regent) • Iwan V saam met Pieter I
Keisers Pieter I (Pieter die Grote)Katharina IPieter IIAnnaIwan VIElisabethPieter IIIKatharina II (Katharina die Grote)PaulAleksander INikolaas IAleksander IIAleksander IIINikolaas II