Fortaleza

in Wikipedia, die vrye ensiklopedie
Spring na: navigasie, soek

Fortaleza
Water front Fortaleza, Brazil.JPG

Kaart Wapen
Ceara Municip Fortaleza.svg
Brasão de Fortaleza.svg
Vlag
Bandeira de Fortaleza.svg
 Land Flag of Brazil.svg Brasilië
 Deelstaat Bandeira do Ceará.svg Ceará
 Koördinate 3°46′S 38°35′W Koördinate: 3°46′S 38°35′W
 Stigting 13 April 1726 (amptelik)
 Oppervlakte:  
 - Totaal 313 vk km
 Hoogte bo seevlak 21 m
 Bevolking:  
 - Totaal (2006) 2 416 920
 - Bevolkingsdigtheid 7 588/vk km
 Tydsone UTC -3
 - Somertyd UTC -3
 Burgemeesteres Luizianne Lins (PT)
 Amptelike Webwerf fortaleza.ce.gov.br

Fortaleza (Portugees [foxtaˈlezɐ], letterlik "vesting, fort", amptelik Fortaleza de Nossa Senhora da Assunção) is die administratiewe hoofstad van die Noordoos-Brasiliaanse deelstaat Ceará met 'n oppervlakte van 313 vierkante kilometer en 'n bevolking van meer as 3,4 miljoen mense in die metropolitaanse gebied. Die stadsgebied word in die noorde deur die Atlantiese Oseaan begrens, terwyl die stede Patacuba, Eusébio, Maracanaú en Itaitinga ten suide en Caucaia ten weste van Fortaleza geleë is. Fortaleza lê tussen twee riviere, die Ceará in die weste en die Cocó in die ooste.

Die bewoners van Fortaleza staan in Brasiliaanse Portugees as Fortalezenses bekend. Die stad beskik oor 'n internasionale lughawe, Pinto Martinas, wat Fortaleza met ander Brasiliaanse metropole en bestemmings in die buiteland verbind. Sy wit strande en polsende naglewe het van Fortaleza een van die gewildste bestemmings vir in- en uitheemse toeriste gemaak.

Net soos talle ander Brasiliaanse nedersettings langs die kus was ook Fortaleza aanvanklik 'n omstrede stad. Die dorp, waaruit later Fortaleza sou ontstaan, het hom sodoende in verskillende tydperke onder die oorheersing van Nederlanders, Portugese en die plaaslike Tabajara-volk bevind. In 1639 het die Nederlanders onder die bevel van Mathias Beck hier 'n fort opgerig wat tot vandag toe in die stadsentrum van Fortaleza lê. Nadat die Nederlanders deur 'n Portugese strydmag verdryf is, het die nedersetting sy huidige amptelike Portugese naam en in 1699 ook stadstatus gekry. In 1823 het Fortaleza die hoofstad van Ceará geword en omstreeks 1880 tot 'n beduidende uitvoerhawe vir katoen ontwikkel.

Vandag is Fortaleza met sy uitstekende toerisme-infrastruktuur en groeiende nywerheidsektor die ekonomiese sentrum van Noordoos-Brasilië. Sy akademiese en navorsingsinstellings, waaronder drie groot universiteite en 'n aantal kleiner tersiêre instellings, het onder meer die opbou van 'n inligtingstegnologiesektor bevorder wat nou steeds meer hoogs gekwalifiseerde spesialiste uit ander dele van die land lok.[1].


Verwysings[wysig]

Fortaleza
Commons
Wikimedia Commons het meer media verwant aan:
Fortaleza (bladsy)


Vlag van Brasilië Hoofstede van Brasilië Wapen van Brasilië
Hoofstede AracajuBelémBelo HorizonteBoa VistaBrasíliaCampo GrandeCuiabáCuritibaFlorianópolisFortalezaGoiâniaJoão PessoaMacapáMaceióManausNatalPalmasPorto AlegrePorto VelhoRecifeRio BrancoRio de JaneiroSalvador da BahiaSão PauloSão LuísTeresinaVitória