Francis Dundas
Francis Dundas (omstreeks 1759, Sanson, Berwickshire tot 15 Januarie 1824, Dumbarton, Skotland) was twee maal tydens die eerste Britse besetting van die Kaap waarnemende goewerneur.
Hy word in 1775 soldaat in die Britse leër en is in 1881 een van die offisiere wat tydens die Amerikaanse Vryheidsoorlog hom by Yorktown saam met Cornwallis oorgee. In 1795 word hy tot generaal-majoor bevorder en die volgende jaar aangestel as bevelhebber van die Britse troepe aan die Kaap, wat pas die jaar vantevore deur Brittanje beset is.
Ná goewerneur George Macartney se bedanking in 1798, neem Dundas tot die volgende jaar as goewerneur waar. In 1800 is hy bevelvoerder van die Britse troepe aan die Oosgrens waar die Xhosas in opstand gekom het. Goewerneur George Yonge bly net aan die Kaap van 1799 tot 1801, waarna Dundas weereens waarneem, dié keer tot die Bataafse Republiek die bewind in 1803 oorneem.
Dundas is in 1812 tot generaal bevorder en sterf in 1824 in Skotland.
[wysig] Bronne
- Albertyn, dr. C.F. (red.), 1972. Afrikaanse Kinderensiklopedie. Kaapstad: Nasionale Boekhandel Beperk.
