Frankfurt (Oder)

in Wikipedia, die vrye ensiklopedie
Spring na: navigasie, soek

Frankfurt (Oder)
01 Luftbild Frankfurt oder Slubice 09072011.jpg

Kaart Euroregion Emblem
Brandenburg FF.svg
Logo der Euroregion PEV.jpg
Wapen
Wappen Frankfurt (Oder).png
 Land Vlag van Duitsland Duitsland
 Deelstaat Flag of Brandenburg.svg Brandenburg
 Koördinate 52°51′N 14°33′O
 Stigting 13de eeu
 Oppervlakte:  
 - Totaal 147,61 vk km
 Hoogte bo seevlak 40 m
 Bevolking:  
 - Totaal (31 Desember 2012) 58 537
 - Bevolkingsdigtheid 396,6/km²
 - Metropolitaanse gebied
 Tydsone UTC +1 (MET)
 - Somertyd UTC +2
 Burgemeester Martin Wilke
 Amptelike Webwerf frankfurt-oder.de

Frankfurt (Oder) is 'n stad in die deelstaat Brandenburg (Duitsland) met sowat 58 500 inwoners (2012). Die stad lê teen die westelike oewer van die Oderrivier, teenoor die Poolse stad Slubice. Frankfurt (Oder) is die geboortestad van die Duitse digter Heinrich von Kleist (1777-1811) en staan vandag ook bekend vir sy Duits-Poolse universiteit Viadrina.

Geskiedenis[wysig]

Die stad by die kruispunt van belangrike handelsroetes tussen Brandenburg en Pole word in die 13de eeu deur Frankiese nedersetters gestig. In 1253 verkry Frankfurt (Oder) stadstatus en selfregering en word in 1368 ook 'n lid van die Hanse-bond van Duitse stede (tot 1525). In die 15de eeu kom die stad onder die heerskappy van die Keurvorste van Brandenburg. Tydens die Dertigjarige Oorlog van 1618 tot 1648 word Frankfurt twaalf keer geplunder en neergebrand. Teen die einde van die Tweede Wêreldoorlog word die stad tot vesting verklaar en nog 'n keer verwoes.

In die tyd van die Duitse Demokratiese Republiek word Frankfurt in 1952 die hoofstad van die gelyknamige Bezirk en vanaf 1958 die sentrum van die Oos-Duitse halfgeleier-nywerheid. Op Frankfurt is tot by die vroeë negentigerjare 'n Russiese garnisoen van sowat 25 000 soldate gestasioneer. Op 1 November 1989 neem sowat 35 000 burgers aan 'n betoging teen die Oos-Duitse regering deel.

Die Europa-Universität Viadrina[wysig]

Die "Viadrina"-Universiteit van Frankfurt (Oder) word in 1506 gestig. Die naam is 'n kunswoord, wat van die Latyn via (weg) en Drina (Oder) afgelei is. Die instelling verwerf bekendheid deur humanistiese denkers soos Michael Praetorius en Ulrich von Hutten. In 1811 word egter die besluit geneem om die universiteit na Breslau te verskuif. Na die Duitse hereniging word die universiteit in 1991 as die Duits-Poolse universiteit Viadrina herstig. Die internasionaliteit van die instelling word deur sy statuut vasgeskryf - 40 persent van sy sowat 4 600 studente moet buitelanders wees, en van hierdie 40 persent moet twee derdes Pole wees.

Eksterne skakels[wysig]


Vlag vann Brandenburg Selfregerende stede en distrikte van Brandenburg Wapen van Brandenburg
Selfregerende stede Brandenburg an der HavelCottbusFrankfurt (Oder)Potsdam
Distrikte BarnimDahme-SpreewaldElbe-ElsterHavellandMärkisch-OderlandOberhavelOberspreewald-LausitzOder-SpreeOstprignitz-RuppinPotsdam-MittelmarkPrignitzSpree-NeißeTeltow-FlämingUckermark