Friemersheim

Friemersheim
Dorp
Friemersheim
Koördinate: 33°57′19″S 22°8′33″O
Land	Suid-Afrika
Provinsie	Wes-Kaap
Distriksmunisipaliteit	Tuinroete
Plaaslike Munisipaliteit	Mosselbaai
Oppervlak
• Totaal	2,33 km2 (0,90 vk. myl)
Bevolking
• Totaal	1 235
• Digtheid	530/km2 (1 400/vk. myl)
Tydsone	UTC+2 (SAST)
Poskode	6525

Friemersheim is 'n dorpie 15 km van Groot-Brakrivier in die voetheuwels van die Outeniquaberge en val onder die Mosselbaai Plaaslike Munisipaliteit. Daar woon ongeveer 1 200 Afrikaanssprekendes op die dorpie. In die tyd van die Groepsgebiedewet was dit gesoneer vir die uitsluitlike bewoning deur kleurlinge.

Eerw. Johann Kretzen van die Berlynse Sendinggenootskap en sendingpredikant te George het 'n klein plasie vir sy suster by Gonnakraal gekoop en daar maandeliks kerkdienste gehou. In 1869 het hy 'n kerk en skool daar ingewy. Gonnakraal was op daardie tydstip die enigste sendingstasie van die NG kerk in die Mosselbaai-gemeente. In 1884 is 'n nuwe kerkgebou opgerig. Na die dood van sy suster het dit die afsonderlike gemeente Friemersheim geword genoem na eerw. Kretzen se geboortstad. Omdat dit te klein was om op sy eie voort te bestaan, is die gemeente as 'n wyk by die NG Sendinggemeente George ingelyf. Na Kretzen het tot 1945 eerwaardes F. Geyer, P.G. de Villiers, J.P.J. Joubert en eerw. Kruger die gemeente bearbei. In die 1960's het die kerk die dorpie aan die staat verkoop.

Na 1963 het die firma Searles van Groot-Brakrivier denneplantasies op Gonnakraal besit. In 1999 stig die bestaansboere die Friemersheim Kleinboerevereniging. Aan inwoners is erwe van twee hektaar beskikbaar gestel om groente vir die plaaslike mark te verbou. Op baie klein skaal word met beeste en skape geboer. In later jare het die provinsiale regering 'n besproeiingskema aangelê.

Bibliografie

• Sendinggestig Museum, Kaapstad
• Steyn, G.F.: Eeufees-Gedenkboek. N.G. Gemeente, Mosselbaai. 1845-1945. Mosselbaai: Mossel Bay Advertiser, 1945.

Sien ook

• Lys van dorpe in Suid-Afrika