Galbraith Lowry Cole

in Wikipedia, die vrye ensiklopedie
Spring na: navigasie, soek
Sir Galbraith Lowry Cole
1 Mei 1772 – 4 Oktober 1842 (70 jaar oud)
Galbraith Lowry Cole

Sir Galbraith Lowry Cole in 1834 deur William Dyce

Geboorteplek Dublin, Koninkryk van Ierland
Plek van afsterwe Highfield Park, Hampshire, Engeland
Lojaliteit Vlag van Verenigde Koninkryk Verenigde Koninkryk
Diens/Tak Flag of the British Army.svg Britse leër
Jare in diens 1787–1833
Rang Generaal
Eenheid 27th (Inniskilling) Regiment of Foot
Poste beklee 4de Divisie
Veldslae/oorloë Skiereilandse Oorlog
Toekennings Knight Grand Cross, Order of the Bath
Ander werk Goewerneur van Mauritius (1823-1828)
Goewerneur van die Kaapkolonie (1828-1833)

Sir Galbraith Lowry Cole (1 Mei 1772 - 1842) was die vyfde Britse goewerneur van die Kaap die Goeie Hoop, opvolger van lord Charles Somerset en voorganger van sir Benjamin D'Urban.

Cole is in Ierland gebore. Hy dien eers as goewerneur van Mauritius van 1823 tot 1828 totdat hy na die Kaap die Goeie Hoop verplaas word. Tydens sy bewind vind belangrike gebeure plaas, waaronder die herverskyning van die eens verbode South African Commercial Advertiser, die stigting van die South African College (later die Universiteit van Kaapstad) en die bou van nuwe paaie, byvoorbeeld die pad deur die pas wat na Cole genoem is, die Sir Lowryspas.

Cole het veel moeite gehad om die oproerige stamme aan die Oosgrens te bedwing. Teen 1820 is talle reuse-plase in die latere distrik Colesberg aangelê en in 1822 vra boere die regering om 'n dorp op die perseel van die verlate sendingpos van die Londense Sendinggenootskap te stig. Die owerheid staan op 27 Januarie 1830 sowat 15 500 hektaar aan die Nederduitse Gereformeerde Kerk toe en so ontstaan Colesberg, genoem na Cole. Die NG gemeente Colesberg het drie jank lank na sy ontstaan in 1826 as "Torenberg" (verkeerde spelling van "Toverberg") bekend gestaan, maar dit staan reeds meer as 180 jaar lank bekend as Colesberg.

In 1833 tree hy af en sterf nege jaar later.

Sien ook[wysig]

Bron[wysig]

  • Rosenthal, Eric, 1978. Encyclopaedia of Southern Africa. Cape Town and Johannesburg: Juta and Company Limited.