Gamkadam

Gamkadam
Amptelike naam	Gamkadam
Ligging	naby Beaufort-Wes
Provinsie/Land	Wes-Kaap, Suid-Afrika
Koördinate	32°20′29″S 22°35′28″O
Dam in	Gamkarivier
Doel	Besproeiing en huishoudelik
Eienaar	Departement van Waterwese
Soort dam	Gravitasiedam
Hoogte van wal	56 m
Reservoir	Gamkadam
Kapasiteit	1,8 miljoen km³
Damoppervlak	106 km²

Die Gamkadam is die hoofbron van drinkwater vir Beaufort-Wes.

Ligging

Hierdie dam lê net onder die samevloeiing van die Donkergatspruit en die Gamkarivier. Dit is 13 km noord van Beaufort-Wes, oos van die Karoo Nasionale Park en noordoos van die Moltenopas en by 32° 20′ 28,7″ suid en 22° 35′ 28,4″ oos.

Dam

Dit dateer uit 1955 en het ‘n maksimum kapasiteit van 1,8 miljoen m³, ‘n walhoogte van 56 m en ‘n opvanggebied in die Nuweveldberge van slegs 106 km². ‘n Byvoordeel van die dam is dat dit beskerming teen oorstroming van die dorp deur die vloedwater van die Gamkarivier bied. Op 12 April 1961 het die dam vir die eerste maal oorgeloop en in September 2010 en Maart 2018 was dit weens die heersende droogte dolleeg.

Visvang

Reeds voor die voltooiing en weer in 1956 is grootbekbaars in die dam uitgesit. Sedert 1960 word visvang toegelaat.

Let wel

Hierdie dam moet nie verwar word met die Gamkapoortdam, die Leeu-Gamkadam en die Springfonteindam nie.

Sien ook

• Lys van grootste damme in Suid-Afrika