Gebruiker:Adriaan/voorblad

Welkom by Wikipedia, die vrye ensiklopedie wat deur enigeen gewysig kan word.	Woensdag, 30 Mei 2012 Hier is tans 22 632 artikels in Afrikaans.
Help ons om 'n wêreldklas Afrikaanse ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë

Voorbladartikel

Prof. Adriaan Moorrees (Malmesbury, 18 Augustus 1855 – Seepunt, Kaapstad, 17 November 1938) was 'n predikant, teoloog en leier in die Nederduitse Gereformeerde Kerk, hoogleraar aan die Kweekskool op Stellenbosch en skrywer.

Hy was die seun van ds. J.C. le Febre Moorrees (1807-'85), predikant van die NG gemeente Swartland van 1833 tot 1881, na wie Moorreesburg vernoem is, en Helena Sophia Basson. Sy grootvader Adriaan Moorrees (1781-1815) het van Groningen in Nederland na die Kaap gekom as die stamvader van die Moorrrees-familie in Suid-Afrika. Hy was getroud met Anna Barbara Smuts. Adriaan Moorrees het die eerste lewenslig in die pastorie op Malmesbury aanskou as die jongste van vyf kinders. Die ander vier was: Adriaan Hendrik (geb. November 1835), Jan Willem (geb. 24 Julie 1838), Anna Barbara (geb. 3 Desember 1840) en Hilletjie Geertuyda (geb. 26 Januarie 1845). Sy moeder het hy skaars twee weke ná sy geboorte, op 3 September, verloor en is toe grootgemaak deur sy tante mev. Klara Loedolff. Sy vader het weer getrou, op 31 Januarie 1857 in Kruisvallei, Tulbagh, met Catharina Johanna Smuts (23 November 1815 - 13 September 1887). Maria Klara Loedolff (2 Maart 1814 - 22 Julie 1887) was Adriaan se vader se suster en die vrou van Hugo Hendrik Loedolff (17 Junie 1904 - 12 Augustus 1864), wat eiehandig daarvoor verantwoordelik was om ’n skeiding in die NG Kerk binne en buite die Kaapkolonie te bewerkstellig wat eers ’n eeu later herstel sou word. Loedolff was ook verteenwoordiger van die kiesafdeling Malmesbury in die ou Kaapse Wetgewer van 1854 tot 1864, dus in die tyd toe die baba Adriaan by hulle gaan woon het. Die Loedolffs het 'n groot rol in die opvoeding van die latere professor gespeel.

Nadat Moorrees tot op ongeveer die ouderdom van 14 jaar op Malmesbury skoolgegaan het, gaan hy na die South African College (die latere Universiteit van Kaapstad) vir sy voorbereidende akademiese opleiding. Van 1874 af studeer hy aan die Stellenbosse Kweekskool, waar hy sy kandidaatseksamen in 1877 aflê, en daarna 'n jaar lank aan die Universiteit van Utrecht in Nederland onder hoogleraars soos J.J. Oosterzee en Nicolaas Beets.

...lees verder

In die nuus

Die Eurovision-sangfees van 2012, wat in Azerbeidjan gehou is, word deur Swede gewen.
Australië, Nieu-Seeland en Suid-Afrika word as plekke van die Square Kilometre Array-radioteleskoop bekend gemaak, wat vanaf 2016 daar gebou sal word.
Die Amerikaanse sangeres Donna Summer, wat in die 1970's met elektroniese pop- en discomusiek internasionale bekendheid verwerf het, verloor haar langdurige stryd teen kanker.
Die Sosialistiese kandidaat François Hollande wen die tweede rondte van die Franse presidentsverkiesing met meer as 50 persent van die uitgebragte stemme. President Nicolas Sarkozy kondig aan dat hy hom aan die politieke lewe sal onttrek.
Die Olimpiese vlam vir die Somerspele in Londen word in die antieke Griekse heiligdom Olimpia aangesteek.
'n Russiese Soechoi Superjet 100-straler met meer as 40 passasiers aan boord bots tydens 'n demonstrasievlug in Indonesië teen 'n berg.

Het u geweet...

... dat die Wes-Kaapprovinsie drie amptelike tale het? Die amptelike tale van die provinsie is Afrikaans, Engels en Xhosa en die 1998-grondwet is in al drie tale beskikbaar. Volgens die 2001-sensus praat 55,3% van die bevolking Afrikaans, gevolg deur Xhosa (23,7%) en Engels (19,3%). ... dat 'n eenvoudige hangbrug se dek 'n kettinglynvorm volg? Die kettinglyn lyk amper soos 'n parabool en is die vorm wat 'n hangende buigbare ketting of kabel aanneem as dit onderwerp word aan 'n eenvormige gravitasiekrag.

30 Mei 2012

30 Mei

1431 - In Rouen, Frankryk, word die 19 jaar oue Johanna van Arkel op die brandstapel verbrand.
1926 - Gebore: Jamie Uys, Suid-Afrikaanse rolprentregisseur.
1942 - Tweede Wêreldoorlog: 1 000 Britse bomwerpers voer 'n 90 minute lange aanval uit op Keulen, Duitsland
1982 - Spanje word die 16de lid van NAVO en die eerste nasie wat by die organisasie aansluit sedert Wes-Duitsland se toelating in 1955.
2007 - Anthe, Saturnus se 60ste natuurlike satelliet, word ontdek danksy foto's deur die Cassini-Huygens-ruimtetuig.