|
Die Aarde is die derde planeet van die Son af. Dit is die tuiste van miljoene spesies, waaronder ook die mens, en is die enigste plek in die heelal waar, sover kennis strek, lewe bestaan. Ongeveer 71% van die oppervlak word deur oseane bedek en die res deur kontinente en eilande. Die Aarde se binnenste dele is steeds aktief, met 'n dik mantellaag (wat relatief solied is), 'n vloeibare buitekern (wat die magneetveld skep) en 'n binnekern wat uit soliede yster bestaan.
Die Aarde is in wisselwerking met ander voorwerpe in die ruimte, soos die Son en die Maan. Vir elke een keer wat die Aarde om die Son wentel, wentel dit ook ongeveer 366,26 keer om sy eie as; hierdie tydperk staan as 'n sterrejaar bekend. Die Aarde het 'n skuins as: dit lê in 'n helling van 66,6 grade ten opsigte van sy baanvlak en dit is hierdie skuinste van die as wat tot die verskillende seisoene in 'n jaar lei. Die Aarde se natuurlike satelliet, die Maan, is verantwoordelik vir die getye van die oseane. Verder stabiliseer die Maan die Aarde se as en vertraag hy stadigaan die planeet se omwenteling.
- ...lees verder
Nog voorbladartikels...
... dat die dorp Roodepoort wes van Johannesburg se naam verwys na die rooi grond wat so algemeen is in die omgewing? Die dorp het ontstaan na 'n goudmynkamp op 'n plaas met die naam "Roodepoort" gestig is.
... dat 'n Noord-Germaanse of Skandinawiese taal vroeër in Skotland gepraat is? Op die Shetland- en Orkney-eilande en in Caithness op die vasteland is die uitgestorwe Norn gepraat. Nadat die eilande in die vyftiende eeu deur Noorweë aan Skotland terug gegee is, is dit deur Skots vervang.
|
 Aktueel
- 'n 20-jarige student uit Uppsala is die laaste man in 200 jaar wat in Swede vir diensplig opgeroep is voor dit in 2010 afgeskaf word.
- In 'n referendum toon meer as 57 persent van Switserse kiesers dat hulle teen die oprigting van Islamitiese minarette in die land gekant is.
- Rwanda (sien vlag) word die 54ste lid van die Britse Statebond.
- Ná meer as 'n jaar se herstelwerk, word die Groot Hadron-versneller weer aan die gang gesit.
- Volgens NASA wys voorlopige data dat 'n aansienlike hoeveelheid water in 'n krater op die Maan gevind is.
 Hierdie dag in die geskiedenis
7 Desember:
Nog uitgesoekte herdenkings...
|
