vanuit Wikipedia, die vrye ensiklopedie.
Meer oor RAM
 |
Hierdie gebruiker is 'n Boer. |
Ek is al sedert 7 September 2004 aktief by Wikipedia. Ek is trots om een van die span mense te wees wat die Afrikaanse Wikipedia help groei het tot meer as 10 000 artikels.
[wysig] My Wikidoelwitte
[wysig] Bewusmaking
Ek beplan om my aandag 'n bietjie meer na die bemarkingsaspek van hierdie projek te verskuif. Ek geniet dit geweldig om artikels te skryf maar ek besef dat die Afrikaanse wikipedia beter kan vaar as ons meer aktiewe deelnemers het. Ek spandeer deesdae baie tyd om die aspekte van bemarking te oordink, hoofsaaklik vir my eie onderneming, maar ek ontdek heelwat idees wat 'n projek soos ons s'n kan gebruik. Verskynsels soos Vernon Koekemoer laat my net besef dat as 'n mens die regte aanslag gebruik die potensiaal daar is om baie reklame te verkry vir min geldelike inset.
Een van die eerste idees wat ek lank oordink maar nog nie ten uitvoer gebring het nie is om 'n gedrukte boekie met so tussen tien en twintig artikels met 'n hoë virale bemarkingspotensiaal te maak en dit by skole, haarkappers, dokterspreekkamers en sulke plekke te laat. Ek dink party van ons artikels het meer waarde as die 5 jaar oue tydskrifartikels wat 'n mens gewoonlik daar aantref.
Kontak my gerus as jy idees in die verband het waarmee ek kan help.
[wysig] Gebruikersvriendelikheid
Ek het onlangs na 'n gesprek met iemand agtergekom dat daar mense is wat waardevolle bydraes kan lewer maar nie gemaklik is om sommer net in te spring en te begin werk nie. Ek wil daarom meer tyd spandeer om nuwe gebruikers met hul artikels te help. As jy bewus is van idees wat werk benodig in die verband laat my gerus weet dan help ek.
[wysig] Chemiese Elemente
Een van die gebiede waar ek lank betrokke is, is die periodieke tabel. Ek hoop om in die volgende jaar of twee die artikels klaar te kry (my fokus en belangstellings is egter geneig om gereeld af te dwaal).
[wysig] My artikels
'n Paar artikels waaraan ek tot dusver gewerk het.
