Geelhout
| Geelhout (Podocarpus latifolius) | ||||||||||||||
|---|---|---|---|---|---|---|---|---|---|---|---|---|---|---|
 Podocarpus latifolius in die Drakensberg
|
||||||||||||||
| Bewaringstatus | ||||||||||||||
| Wetenskaplike klassifikasie | ||||||||||||||
|
||||||||||||||
| Binomiale naam | ||||||||||||||
| Podocarpus latifolius (Thunb.) R.Br. ex Mirb. |
Die breëblaar-geelhout of opregte geelhout (Podocarpus latifolius) is 'n groot immergroen boom wat tot 35 m hoog word in die familie Podocarpaceae. Die stam kan 'n middellyn van tot 3 m hê. Die boom is Suid-Afrika se nasionale boom.[1] Dit is reusagtig wanneer dit in immergroen berg- en kuswoude groei, maar kom voor as lae of dwergagtige bome op blootgestelde berghange. Dit kom voor van die Wes-Kaap tot Mpumalanga en Limpopo.
Die bas is longitudinaal gegroef. Manlike bome produseer pienkerige, katjieagtige keëls wat ongeveer 2,5 cm lank is. Die vroulike bome produseer vlesige blombodems en aan die punt word een of twee sade gevind. Die sade is ongeveer 1 tot 1,5 cm lank, dun en vlesig en word op 'n helderrooi, vlesige kussinkie gedra. Die sade word blou of perserig wanneer hulle volwassenheid bereik.
Die hout word ook in die houtbedryf gebruik.
Sien ook [wysig]
Verwysings [wysig]
- ↑ Die Suid-Afrikaanse Gids. Feite en wenke. 2009. ISBN 978-1-86919-324-9
Bronne [wysig]
- Conifer Specialis Groep (1998). Podocarpus latifolius. 2006 IUCN Rooilys van Bedreigde spesies. IUBN 2006. Besoek op 12 Mei 2006.
- Suid-Afrikaanse Staatsimbole
- Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
| Hierdie artikel is in sy geheel of gedeeltelik vanuit die Engelse Wikipedia vertaal. |
