Gennadi Newelskoi

in Wikipedia, die vrye ensiklopedie
Spring na: navigasie, soek
Gennadi Iwanowitsj Newelskoi
Геннадий Иванович Невельской
’n Beeld van die betrokke persoonlikheid.
Gebore 5 Desember 1813
Drakino naby Soligalich, Kostroma-provinsie, Russiese Ryk
Oorlede 29 April 1876
Sint Petersburg, Russiese Ryk
Nasionaliteit Vlag van Rusland Rusland
Beroep Ontdekkingsreisiger
Newelskoi-straat is die smalste deel van die Straat van Tartarye.

Gennadi Iwanowitsj Newelskoi (Russies: Геннадий Иванович Невельской) was in die 19de eeu ’n ontdekkingsreisiger in Siberië. Hy het in 1848 ’n ekspedisie na die Russiese Verre-Ooste gelei waar hy onder meer die Sachalin-gebied verken het. Hy het bewys dat die Straat van Tartarye nie ’n golf was nie, maar inderdaad ’n straat wat aan die Amoer-riviermonding verbind was met ’n smal deel wat later Newelskoi-straat genoem is. Die Russe het sy verslag aanvaar as die eerste bewys dat Sachalin inderdaad ’n eiland is. Hy was een van die sleutelfigure in die Russiese kolonialisasie van Primorski-krai en Sachalin.