Genootskap van Regte Afrikaners
vanuit Wikipedia, die vrye ensiklopedie.
Die Genootskap van Regte Afrikaners is op 14 Augustus 1875 in die dorp Paarl gestig deur 'n groep Afrikaanse sprekers van die Wes-Kaap omgewing. Die genootskap het vanaf 15 Januarie 1876 'n joernaal genaamd die Die Afrikaanse Patriot, asook verskeie boeke soos woordeboeke, geestelike materiaal en geskiedenisboeke gepubliseer. Die Afrikaanse Patriot was in 1905 opgevolg deur die hedendaagse Paarl koerant.
Arnoldus Pannevis, 'n onderwyser, word algemeen gesien as die geestelike vader van die vereniging. Hy het opgemerk dat meeste van die Suid-Afrikaners van Nederlandse oorsprong nie meer suiwer Nederlands kon praat nie. In die verloop van 200 jaar tot dan, is die Nederlandse immigrante se taal beduidend verander deur die invloed van ander Europese immigrante, die inheemse bevolking soos die Khoikhoi, en veral die Kaap-Maleisiërs.
Die vereniging was gestig deur Gideon Malherbe, die Nederlandse immigrant C.P. Hoogenhout, D.F. du Toit (ook bekend as Dokter), die joernalis DF du Toit (ook genoem Oom Lokomotief), sy broer S.J. du Toit, August Ahrbeck, Petrus Malherbe en S.G. du Toit. Almal behalwe Hoogenhout en Ahrbeck was verwant. Meeste van die stigterslede was afstamelinge van die Hugenote.
Die Afrikaanse Taalmuseum was op 14 Augustus 1975 geopen in die eertydse huis van Gideon Malherbe.
