Gert Vlok Nel
| Gert Vlok Nel | ||
|---|---|---|
| Geboorte | 1963 Beaufort-Wes, Suid-Afrika |
|
| Beroep(e) | Musikant, digter | |
 Musiekportaal |
||
Gert Vlok Nel (Beaufort-Wes, 1963) is 'n Afrikaanse musikant en digter. Hy studeer Engels, Afrikaans en Geskiedenis aan die Universiteit van Stellenbosch en werk as 'n gids, 'n kroegman en 'n sekuriteitsbeampte. Hy het een digbundel gepubliseer en een CD uitgereik wat hom bekend gemaak het.
Om te lewe is onnatuurlik bestaan uit persoonlike, aangrypende gedigte, waarvoor hy die Ingrid Jonker Prys ontvang. Etienne van Heerden beskou Gert Vlok Nel "as een van ons grootste talente".
Om te lewe is onnatuurlik word gevolg deur die CD, Beaufort Wes se Beautiful Woorde. Dit is 'n autobiografiese skets en hy het 'n vertoning met gedigte, liedjies en visuele material regoor Suid-Afrika opgevoer. Hy word deur sommige mense vergelyk met Bob Dylan en ook Koos du Plessis. Hyself bewonder egter Tom Waits en Bruce Springsteen.
Gert Vlok Nel skryf liedjies met spookagtige amper hipnotiese kwaliteit, besonder inoverend vir Afrikaans. Dit kan amper vergelyk word met die taal eksperimente van Antjie Krog.
Die Nederlandse digter, Gerrit Komrij neem agt van Vlok Nel se gedigte in sy versamelde werke van Suid-Afrikaanse digkuns; De Afrikaanse poëzie in 1000 en enige gedichten, op.
