Giant's Castle

in Wikipedia, die vrye ensiklopedie
Spring na: navigasie, soek

Giant's Castle
Giants Castle at sunrise from the contour path.jpg
Giant's Castle in die oggendson
Ligging: KwaZulu-Natal, Suid-Afrika
Hoogte: 3315 meter
Reeks: Drakensberge
Koördinate: 29°20′0″S 29°29′0″O Koördinate: 29°20′0″S 29°29′0″O
Maklikste roete: stap
Giant's Castle in 3D

Giant's Castle is 'n bergpiek in die Noordelike Drakensberge van KwaZulu-Natal, Suid-Afrika. Giants Castle bied besoekers aan die streke stapgeleenthede met 'n besonderse panoramiese uitsig. Die natuureservaat bied afgeleë akkommodasie, Boesmanrotskuns met maklike toegang vir almal, en die beste basis om 'n Drakensberg-stapervaring vanaf te begin. Die gebied is een van Suid-Afrika se avontuurgebiede, en speel gasheer vir die reuse-uitdaging bergfiets marathon in April elke jaar.

Giant's Castle lê aan die suidelike punt van die sentrale Drakensberg en kry sy naam van die omtrek van die berge en platorand wat kombineer om soos die profiel van 'n slapende reus te lyk. Dit is in wese 'n grasplato wat onder die diep dale van hierdie deel van die Drakensberg nestel.

Giants Castle Wildreservaat word beskou as die tuiste van die eland sowel as die baardaasvoël. Nog 'n Giants Castle hoogtepunt is die wonderlike Boesmanrotskuns by die hoofgrotte wat maklik is om te vind en goed aangebied is.

Voorheen was die bekende Lammergeiersteek oop vir besoekers om die baardaasvoëls en ander bedreigde voëlspesies te sien. Hierdie fasiliteit het sedertdien verval.

Boesmanrotskuns[wysig]

Die rotskuns in die natuurreservaat is deur Boesmans wat ongeveer 8 000 jaar gelede in die gebied gevestig het geskilder. Dit beeld meestal diere en mense uit.[1] Die hoofgrotte, op die Boesmansrivier-staproete, is een van die bekendste rotskuns-terreine in Suid-Afrika. Dié grotte bevat meer as 450 Boesmantekeninge.

Staproetes[wysig]

Daar is meer as 25 staproetes in die Giant’s Castle Natuureservaat. Hierdie staproetes vorm 'n netwerk van 285 km en sluit maklike roetes van 3 km (ongeveer 1 uur) tot lang roetes van 30 km (oornag) in.

Die staproetes is hoofsaaklik boomloos en stappers moet liefs sonbrandroom voor staptogte aansmeer. 'n Groot hoed en voldoende water word ook aanbeveel.

Van die meer bekende staproetes sluit in:

Kort staproetes:

  • Hoofgrotte (3,5 km; 3 ure)
  • Kol. Durnfort se kamp en "Rock 75"
  • Grysbuch Bush (8 km; 3,5 ure)
  • River Walk 1 (3 km; 1,5 ure)
  • River Walk 2 (4,5 km; 2 ure)
  • Champagne Pools (3 km; 1 uur)
  • Bergview Walk (5 km; 2 ure)

Lang staproetes:

  • Giant's Hut via Giant's Ridge (21 km; 7,5 ure)
  • Langalibalele Pass (26,8 km; 8 ure)
  • World's View (14 km; 4,5 ure)
  • Meander Hut via Beacon Ridge (14 km; 5 ure)
  • Bannerman's Path - Contour Path - Langalibalele Path (15,6 km; 5,5 ure)

Verwysings[wysig]

  1. Jaroff, Leon, "Etched in Stone", Time, 1997-06-02. URL besoek op 2008-10-07.

Eksterne skakels[wysig]

Panorama van Giant's Castle
Panorama van Giant's Castle