Glansibis

in Wikipedia, die vrye ensiklopedie
Spring na: navigasie, soek
Glansibis
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Aves
Orde: Ciconiiformes
Familie: Threskiornithidae
Genus: Plegadis
Spesie: P. falcinellus
Binomiale naam
Plegadis falcinellus
Linnaeus, 1766
Die verspreiding van die glansibis in Suider-Afrika
Die verspreiding van die glansibis in Suider-Afrika
'n Volwasse glansibis

Die Glansibis (Plegadis falcinellus) is 'n voël in die ibis-familie, Threskiornithidae. Daar word geglo dat die glansibis oorspronklik uit die Ou Wêreld kom en deur natuurlike verspreiding na Afrika en die Noordelike dele van Suid-Amerika versprei het tydens die 19de eeu.

Identifikasie[wysig]

Die glansibis is 'n groot voël met 'n lengte van 55 – 65 cm en 'n 88 – 105 cm vlerkspan. Parende volwassenes het rooibruin tot pers liggame en glansende bottelgroen vlerke. Nie-parende voëls en onvolwassenes het ietwat dowwer liggame. Die spesie het 'n donker bek, asook 'n donker gesisgvel wat bo en onder begrens word deur 'n blou-groen kleur in nie-parende voëls en 'n kobaltblou kleur in parende voëls. Glansibisse het rooibruin bene. Ibisse vlieg met uitgestrekke nekke (anders as reiers) en swerms vlieg gereëld in reguit lyne.

Habitat[wysig]

Die glansibisse bou hulle neste in bome en woon in kolonies, ook saam met reiers. Die voëls verkies bome naby damme, vlei-gebiede en moerasagtige areas.

Voeding[wysig]

Die glansibis is 'n karnivoor en jag visse, paddas en ander waterskepsels en sal ook nou en dan insekte vreet.

Verspreiding[wysig]

Die glansibis is die mees-verspreide van die ibis-spesies. Die voëls paar in 'n verskeie warm streke van Europa, Asië, Afrika, Australië en aan die kusgebiede naas die Atlantiese oseaan asook in die omgewing van die Karribiese eilande en omliggende dele van die Amerikas. Die spesie migreer met die seisoene: die meeste Europese voëls spandeer die winter in Afrika. In Noord-Amerika spandeer voëls Noord van Noord-Carolina die winter meer Suid.

Geluid[wysig]

Die glansibis is 'n redelike stil voël, maar sal maak nou en dan 'n kok-kok-kok geluid, asook 'n grrrr-geluid tydens paring.

Ander name[wysig]

  • Engels: Glossy Ibis
  • Duits: Brauner Sichler
  • Wetenskaplike naam: Plegadis falcinellus

Sien ook[wysig]

Commons-logo.svg
Wikimedia Commons het meer media verwant aan:
Glansibis (kategorie)

Bronnelys[wysig]

Wikispecies
Wikispecies het meer inligting oor:
  • Roberts' Birds of Southern Africa, Sesde uitgawe, ISBN 0620175834
  • Handbook of the Birds of Europe, the Middle East, and North Africa: The Birds of the Western Palearctic.
  • Field Guide to the Birds of North America, 4th Edition.