Gnaeus Iulius Agricola

in Wikipedia, die vrye ensiklopedie
Spring na: navigasie, soek
Gnaeus Iulius Agricola
13 Julie 40 n.C. – 23 Augustus 93 n.C. (53 jaar oud)
Gnaeus Iulius Agricola

Standbeeld van Agricola te Bath, Brittanje

Geboorteplek Gallia Narbonensis
Plek van afsterwe Gallia Narbonensis
Lojaliteit Romeinse Ryk
Jare in diens 58–85
Rang Proconsul
Poste beklee Legio XX Valeria Victrix
Gallia Aquitania
Britannia
Veldslae/oorloë Slag tussen Boudicca en Paulinus
Slag van Mons Graupius
Toekennings Ornamenta triumphalia

Gnaeus Iulius Agricola (13 Julie 40 n.C.23 Augustus 93 n.C.) was 'n Romeinse generaal wat 'n leidende rol gespeel het in die Romeinse verowering van Brittanje. Sy biografie, die De vita et moribus Iulii Agricolae, was die eerste van sy skoonseun, die historikus Tacitus, se gepubliseerde werke. Dit is die hoofbron aangaande Agricola,[1] maar Dio Cassius[2] en drie inskripsies wat in Brittanje aangetref is, insluitend die inskripsie op die Verulamiumplein, verwys ook na Agricola.

Agricola is gebore in 'n gesiene politieke familie, en het sy militêre loopbaan in Brittanje begin, waar hy onder goewerneur Gaius Suetonius Paulinus diens gedoen het. In sy daaropvolgende loopbaan het hy 'n verskeidenheid van ampte beklee; hy is aangestel as quaestor in die provinsie Asië in 64, toe as Plebeiese Tribuun in 66, en praetor in 68. Hy het Vespasianus gesteun in die jaar van die vier keisers (69), en is na Vespasianus se bewindsname die opperbevel in Brittanje toegeken. Toe sy bevel in 73 verstryk, is hy opgeneem as patrisiër in Rome en is aangestel as goewerneur oor Gallië Aquitanië. Hy is aangestel as konsul en goewerneur van Britannië in 77. Met sy verblyf daar, het hy die oorgrote deel van die huidige Wallis en noord-Engeland verower, en 'n ekskursie onderneem na die Skotse laelande, waar hy Romeinse dominansie vir 'n tyd lank gevestig het. Dit word gespekuleer dat hy ook 'n ekspedisie na Ierland kon onderneem het. Hy is in 85 van Brittanje teruggeroep na 'n buitengewoon lang dienstydperk, waarna hy uit sy militêre amp afgetree en die publieke lewe agtergelaat het.

Notas[wysig]