Gobi

in Wikipedia, die vrye ensiklopedie
Spring na: navigasie, soek
Kaart wat die Gobi-woestyn vertoon
Satellietbeeld van die Gobi-woestyn
Gobi-landskap in die provinsie Ömnögovi, Mongolië, met 'n Baktriese kameel (Camelus bactrianus) in die agtergrond

Gobi (Mongolies: Говь Gowj, letterlik "half-woestyn"; Sjinees: 戈壁 Gēbì) is 'n steppe-woestyn in Sentraal-Asië en die sesde grootste woestyn ter wêreld. Dit is in die noorde en noordooste van die Volksrepubliek van Sjina asook in die suide van Mongolië geleë. Die woestyn-bekken van die Gobi word begrens in die noorde deur die Altai-gebergte en die grasvlaktes en steppe in Mongolië, in die suidweste deur die Hexi-Korridor en die Hoogland van Tibet, en in die suidooste deur die Noord-Sjinese vlaktes. Die Gobi-woestyn het 'n noemenswaardige geskiedenis as deel van die uitgestrekte Mongoolse Ryk en as plek van verskeie belangrike stede langs die Syroete.

Die uitbreiding van die woestyn as gevolg van die Aardverwarming is veral vir stede soos die Sjinese hoofstad Beijing 'n groot bedreiging. Die stad is tans net 70 km suidoos van die woestyn geleë.